Receta

Gatime nga zonja Albana, Polenta me mëllenjë ose pulë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 3 Shkurt 2022, 10:46 | Përditesimi: 3 Shkurt 2022, 10:47

Polenta me mëllenjë ose pulë

Përbërësit:

1 mëllenjë ose pulë e vogël

LEXO EDHE:
Bakllava me kadaif dhe arra nga zonja Albana

1 lgj gjalpë

2 gjethe dafine

Piper i zi kokërr

Piper i kuq pluhur

Lëngu i 1 limoni

Për polentën:

1 filxhan polentë

3 filxhanë lëng mishi

1 filxhan qumësht

100 gr djathë parmixhano

2 lgj gjalpë

Përgatitja:

Vendosim një tenxhere me ujë në zjarr. Shtojmë kripë, piper të zi, piper të kuq, gjethet e dafinës dhe 1 lugë gjalpë. E lemë ujin të ziejë dhe sapo të nisë të vlojë fikim sobën dhe shtojmë aty mëllenjën e pastruar, të cilën e lemë të marinohet në ujin e vluar për 3-4 orë.

Më pas, parangrohim furrën e sobës në temperaturë maksimale. Ndërkohë që furra ngrohet, lyejmë mëllenjën me gjalpë dhe e vendosim në një tavë duke e spërkatur mire me lëngun e saj. E vendosim të piqet në furrë për rreth 18-20 minuta.

Ndërkohë përgatisim polentën. Në një tenxhere hedhim polentën dhe lëngun e mishit të nxehtë. E trazojmë vazhdimisht dhe sapo lëngu të marrë valë shtojmë qumështin e nxehtë, kripë dhe djathë të grirë. E lemë 5 minuta në zjarr mesatar dhe në fund shtojmë gjalpin e tretur. E servirim polentën menjëherë të ngrohtë bashkë me mëllenjën spërkatur me pak lëng limoni.

MC/Shqiptarja.com

TAG: