Receta

Gatime nga zonja Albana, Supë krem me arra

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 22 Dhjetor 2021, 10:46 | Përditesimi: 22 Dhjetor 2021, 10:47

SUPË KREM ME ARRA

Përbërësit:

800 ml lëng pule

LEXO EDHE:
Pulë me oriz në furrë nga zonja Albana

1 filxhan çaji me arra të grira

1 qepë e vogël

1 degëz selino

1 majë luge arrë moskat

2-3 lgj gjalpë

2 lgj miell

½ filxhan çaji qumësht

1 filxhan pana

Kripë, piper

Përgatitja:

Vendosim në një tenxhere lëngun e pulës dhe e përziejmë me arrat e grira, qepën e grirë imët, selinonë dhe arrën moskat. E lemë lëngun e pulës të marrë valë për disa minuta, më pas ulim temperaturën e sobës dhe e lemë të ziejë sa më ngadalë.

Pasi supa të jetë ftohur pak e kalojmë në mikser dhe e kthejmë në një pure kremoze.

Në një tenxhere tresim gjalpin dhe kaurdisim miellin derisa të ndryshojë ngjyrë. Më pas shtojmë qumështin dhe e lemë të marrë valë për 1 minutë duke e përzier pa ndërprerje. Pasi lëngu të jetë trashur, hedhim purenë me arra në tenxhere dhe vazhdojmë trazimin. Në fund, sipas dëshirës mund të shtojmë pak pana dhe e servirim menjëherë të ngrohtë.

MC/Shqiptarja.com

TAG: