Receta

Gatime nga zonja Albana, Tortë festive

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 14 Shkurt 2022, 11:21 | Përditesimi: 14 Shkurt 2022, 11:22

Tortë festive

Përbërësit:

2 e 1/2 fç miell

LEXO EDHE:
Pulë me oriz në furrë nga zonja Albana

1 lgj kakao

1 lç sodë

1 lç kripë

1 fç sheqer

1 e 1/2 filxhan vaj

1 fç dhallë

1 lgj uthull

2 vezë

1 lk ngjyrues ëmbëlsirash

125 gr krem djathi

125 gr gjalpë

1 bustinë vanilje

3 filxhanë sheqer pluhur

Përgatitja:

Rrahim vezët me vajin e lulediellit, uthullën dhe dhallën dhe më pas shtojmë ngjyruesin e ëmbëlsirave.

Miellin, kakaon, kripën, sodën, vaniljen dhe sheqerin i përziejmë bashkë. Më pas bashkojmë dy masat bashkë dhe i përziejmë mirë derisa masa të homogjenizohet. E vendosim në një tavë në furrë të parangrohur në temperaturën 160 gradë Celsius për 30 minuta.

Ndërkohë punojmë me mikser kremin e djathit me gjalpin dhe vaniljen. Gradualisht shtojmë sheqerin pluhur.

Nxjerrim nga furra pandispanjën, e presim në dy ose tre pjesë dhe në çdo shtresë vendosim kremin dhe në fund e dekorojmë me pak pandispanjë të grimcuar.

MC/Shqiptarja.com

TAG: