Receta

Gatimi/ Supë krem karotë me xhinxher dhe supë krem brokoli për një dietë të shëndetshme

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Redaksia 1 Janar 2021, 14:53 | Përditesimi: 1 Janar 2021, 16:30

Supë krem karrotë me xhinxher

Përbërësit:

2 lugë gjelle vaj ulliri

LEXO EDHE:
Tavë me lakër arme dhe kimë nga zonja Albana

2 qepë

1 lugë xhinxher ( të grirë)

6-8 karrota

1/2 lugë çaji lëkurë limoni

lëngu I një portokalli

kripë dhe piper

Përgatitja:

Vendosim vajin në tenxhere dhe e ngrohim atë. Shtojmë qepën dhe e kaurdisim mirë deri sa të bëhet transparente. Shtojmë xhinxherin dhe vazhdojmë kaurdisjen, karrotat, lëngun e perimeve ose ujë. E lëmë supën të ziejë për 30 minuta. Pasi të kalojë kjo e kthejmë supën në krem. E servirim duke e spërkatur me gjalpë të tretur me pak sheqer të kuq ose thjesht me vaj ulliri.

Supë krem brokoli

Përbërësit:

500 gr brokoli

3 lugë gjelle vaj ulliri

5 qepë të njoma

2 patate ( 200 gr)

1 gotë qumësht

kripë

1 litër ujë ose lëng perimesh

Dekori:

boçe të vogla brokoli

kubikë buke të skuqura

Përgatitja:

Fillimisht ruajmë disa boçe të vogla brokoli. E shpëlajmë mirë dhe e lëmë mënjanë. Në një tenxhere të thellë ngrohim vajin ( 2 lugë gjelle( dhe kaurdisim qepën deri sa të jetë transparente, shtojmë patatet në kubikë të vegjël I kaurdisim sëbashku duke shtuar 1 litër ujë ose lëng perimesh vendosim kapakun dhe I lëmë perimet të ziejnë mirë për 20 minuta. Kalojmë supën në blender deri sa ajo të bëhet një krem I lidhur. Shtojmë qumështin rregullojmë shijen me kripë dhe piper. Në një tigan me vaj kaurdisim kubikë buke sa të zverdhen lehtë. Servirim supën duke e dekoruar me boçe të vogla brokoli dhe kubikë buke të thekur. E spërkasim me pak vaj uliiri ( 1 lugë çaji).