POP 5

Lajmet më të lexuara të 5 minutave të fundit

Media

Gazetari grek Vaxevanis del
sot para gjyqit

Gazetari grek Costas Vaxevanis pritet të dalë para gjyqit në Athinë nën akuzën e shkeljes së privatësisë pas publikimit të mbi 2 mijë emrave të personave me influencë që kanë llogari bankare në Zvicër.
Gazetari grek Vaxevanis del <br />sot para gjyqit
GREQI- Gazetari grek Costas Vaxevanis pritet të dalë para gjyqit në Athinë nën akuzën e shkeljes së privatësisë pas publikimit të mbi 2 mijë emrave të personave me influencë që kanë llogari bankare në Zvicër.

Autoritetet franceze ishin ato që u dhanë emrat homologëve grekë dy vite më parë por ato të dhëna nuk u hetuan për asnjë moment.

Vaxevanis i tha rrjetit televiziv BBC pak përpara arrestimit se janë disa politikanë të cilët duhet të hetohen për mbajtjen sekret të këtyre emrave. Por zyrtarët grekë insistojnë se nuk ka prova se personat përbërës të kësaj liste kanë shkelur ligjin.

Disa prej emrave përfshijnë personazhe të njohura nga bota e politikës, biznesit, shoqërisë civile dhe medias.
Vaxevanis pretendon se lista që ka publikuar në revistën e tij "Hot Doc" është e njëjta me atë që ministrja franceze e financave Christine Lagarde u dha autoriteteve greke.

Dyshimi është se shumica e emrave kanë kryer evazion fiskal duke fshehur të ardhurat jashtë vendit. "Për faktin se unë jam gazetar është detyra jonë t’ua them të vërtetën njerëzve. Tre qeveritë e fundit kanë gënjyer duke mos treguar grekët që janë në këtë listë", thotë gazetari.

Sipas tij ishte detyrim për këto qeveri t’ia kalonin listën organeve të drejtësisë. Në intervistën para arrestimit nga policia ai tha se "nëse është e nevojshme të përfundoj në burg do ta bëj. Jo se jam një hero por dua të tregoj padrejtësinë që po ndodh në Greqi".

(eç/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

112-vjetori i Pavarësisë/ Ceremonia e ngritjes së flamurit në Shkodër

112-vjetori i Pavarësisë/ Ceremonia e ngritjes së flamurit në Shkodër

28 Nëntor, 13:46