POP 5

Lajmet më të lexuara të 5 minutave të fundit

Kronikë

Gazetarja franceze në Thumanë: Shoh tragjedinë në sytë e njerëzve, shpresoj t'u rikthehet besimi se mund të jetojnë të sigurt (VIDEO)

"Shpresoj të bëhet diçka për njerëzit që të ndjejnë se mund të jetojnë sërish këtu të sigurt", u shpreh gazetarja franceze për Report Tv.

Thumana e Fushë-Krujës është ende si një kantier i shkatërruar ndërtimi, ku po punohet për të larguar inertet e pallateve të shembura nga tërmeti i 26 nëntorit. Nën gërmadha sheh ende arushë, e sende personale të njërëzve që kaluan tragjedinë më të madhe, me jetë të humbura dhe me të plagosur nga tërmeti i fuqishëm. Në mesin e Thumanës së shkatërruar që pritet të ringrihet dhe t'i kthehet normalitetit, këtë të enjte, kur kanë kaluar dy javë nga tërmeti, gjetëm edhe një gazetare franceze. Ajo ka ardhur të shohe nga afër situatën, dhe të bisedojë me banorë të zonës. Thotë se e sheh tragjedinë në sytë e tyre dhe në dhimbjen për jetët e humbura. Megjithatë shpreson që shteti të bëjë diçka për këta banorë në mënyrë që t'i kthejë shpresën se në këtë vend mund të jetojnë të sigurt. 

"Jam gazetare franceze, erdha në këtë vend të shoh si është situata pas dy javësh, si po ja dalin njerëzit. Shoh tragjdinë tek njerëzit. Takova banorë të këtij vendit që kanë humbur fqinjët, shtëpitë e tyre, që kanë humbur gjithçka, që janë të frikësuar, është një situatë e vështirë për ta. Shpresoj të bëhet diçka për njerëzit që të ndjejnë se mund të jetojnë sërish këtu të sigurt", u shpreh gazetarja franceze për Report Tv.

Gazetarja Franceze

Në Thumanë humbën jetën nën rrënoja 24 persona, ku u shuan familje të tëra, ndërsa tërmeti mori në total 51 jetë shqiptarësh.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Media spanjolle ‘El Periódico’: Vizitoni Shqipërinë për Krishtlindje, një perlë me peizazhe spektakolare dhe qytete historike

Media spanjolle ‘El Periódico’: Vizitoni Shqipërinë për Krishtlindje, një perlë me peizazhe spektakolare dhe qytete historike

25 Nëntor, 07:37