POP 5

Lajmet më të lexuara të 5 minutave të fundit

Ekonomi

Gazpromi rus, blerësi i mundshëm
i Albpetrolit, nën hetim nga BE

Komisioni Europian ka nisur këto ditë një hetim zyrtar lidhur me dyshimet në abuzimin në treg nga kompania ruse e hidrokarbureve Gazprom, një vit pasi Brukseli bëri disa vizita surprizë në zyrat e saj dhe klientëve të saj në Europën qendrore e lindore.
Gazpromi rus, blerësi i mundshëm <br />i Albpetrolit, nën hetim nga BE
BRUKSEL- Komisioni Europian ka nisur këto ditë një hetim zyrtar lidhur me dyshimet në abuzimin në treg nga kompania ruse e hidrokarbureve Gazprom, një vit pasi Brukseli bëri disa vizita surprizë në zyrat e saj dhe klientëve të saj në Europën qendrore e lindore. Autoriteti antitrust i Komisonit po përqendrohet në sqarimin e përdorimit apo jo të pozitës së saj dominuese në tregun e gazit të BE-së për të luftuar konkurrentët dhe për të rritur çmimet në Europën qendrore dhe lindore.

Në një deklaratë, të publikuar të martën në mbrëmje, KE ka konfirmuar nisjen e procesit hetimor administrativ, duke u shprehur se, në se vërtetohet që ka ndodhur një veprim i tillë, kjo do të konsiderohej si një kufizim i konkurrencës që çon artificialisht në çmime më të larta dhe përkeqësim të sigurisë së furnizimit.

Gazprom është një ndër kompanitë, që kanë shprehur interes për blerjen e Albpetrolit shqiptar, duke tërhequr dokumentacionin për të paraqitur ofertat për privatizimin e tij. Ajo, sëbashku me një kompani kineze, kanë kërkuar më pas shtyrjen e afatit të dorëzimit të ofertave, gjë që u plotësua nga autoritetet shqiptare, të cilat kanë lënë për këto ditë datën e fundit të paraqitjes së ofertave nga kompanitë e interesuara.
Zëdhënësi i Gazprom-it, Sergei Kupriyanov tha, nga ana e tij, në reagim ndaj këtij njoftimi, se BE nuk e kishte informuar kompaninë për këtë procedurë dhe nuk bëri komente të mëtejshme.

Investigimi mund të rezultojë në gjoba shumë të rënda, ndërkohë që BE mund t’i kërkojë Gazprom-it të rishikojë praktikat e veta të biznesit në një zonë të gjerë të Evropës, në mënyrë që të respektojë rregullat anti-trust të Bashkimit Evropian.
(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë

Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë

25 Nëntor, 18:56