POP 5

Lajmet më të lexuara të 5 minutave të fundit

Ekonomi

Gazsjellësi, Qeveria shqiptare
OK në parim projektit TAP

Është miratuar në parim, në mbledhjen e Këshillit të Ministrave, marrëveshja e përkohshme ndërmjet qeverisë shqiptare dhe kompanisë Trans Adriatic Pipeline (TAP), në lidhje me projektin e Gazsjellësit Trans Adriatik (projekti TAP).
Gazsjellësi, Qeveria shqiptare <br />OK në parim projektit TAP
TIRANE - Është miratuar në parim, në mbledhjen e Këshillit të Ministrave, marrëveshja e përkohshme ndërmjet qeverisë shqiptare dhe kompanisë Trans Adriatic Pipeline (TAP), në lidhje me projektin e Gazsjellësit Trans Adriatik (projekti TAP). Teksti i marrëveshjes nuk është bërë i njohur, por ka të bëjë me OK që Ekzekutivi shqiptar jep për kalimin e tubacionit të këtij gazsjellësi në territorin e Republikës së Shqipërisë. Këtë marrëveshje kompania duhet ta nënshkruajë edhe me Italinë dhe Greqinë, në mënyrë që të bëhet efektive.

Marrëveshja konsiderohet “e përkohshme”, pasi ende nga subjekti British Petroleum, që zotëron vendburimin e gazit natyror në Azerbajxhan, nuk ka përzgjedhur ende ndërmjet dy kandidatëve se kujt do t’i njohë të drejtën e furnizimit. Në garë aktualisht ndodhet, veç TAP-it, edhe Nabucco West, që do të anashkalonte Shqipërinë, për të kaluar gazin nga Azerbajxhani drejt Austrisë. Vendimi për një gjë të tillë do të merret në mes të këtij viti. Ndërkohë, të dy kandidatët duhet të paraqesin marrëveshjet paraprake me shtetet nga ku kalon tubacioni sipas projekteve të tyre, para se të kërkojnë të drejtën për t’u furnizuar.

Për Shqipërinë, kjo do të ishte hera e parë që lidhet me rrjetin ndërkombëtar të gazsjellësve. Marrëveshje mirëkuptimi për TAP-in kanë nënshkruar vitin e kaluar në Nju Jork, gjatë punimeve të Asamblesë së Përgjithshme të OKB-së, ministrat e Shqipërisë, Greqisë dhe Italisë.

Miratimi i TAP-it nga qeveria shqiptare është një hap tjetër drejt realizimit të gazsjellësit, por në media është theksuar se shanse më të mëdha aktualisht i jepen linjës rivale. SHBA ka deklaruar se nuk përkrah ndonjë nga gazsjellësit më shumë se tjetrin. Por, vendimi do të merret nga subjekti ndërkombëtar që menaxhon burimin hidrokarbur të Shah Denizit në detin Kaspik.

(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Bulqizë/ Rama prezanton projektin transformues për 'Divizioni': Dibra do kthehet në periferinë e gjelbër të kryeqytetit! Do i shërbejë turistëve dhe banorëve të vendit

Bulqizë/ Rama prezanton projektin transformues për 'Divizioni': Dibra do kthehet në periferinë e gjelbër të kryeqytetit! Do i shërbejë turistëve dhe banorëve të vendit

26 Nëntor, 11:14