POP 5

Lajmet më të lexuara të 5 minutave të fundit

Ekonomi

BSH nuk ndryshon normën bazë të interesit, mbetet 3.25%! Sejko: Sektori i turizmit ka udhëhequr rritjen ekonomike, inflacioni rrezik për stabilitetin e çmimeve

Banka e Shqipërisë e mbyll vitin 2023 me normën bazë të interesit 3.25% dhe me pritshmëri për ta ulur vitin tjetër. Në bilancin e fundvitit, Guvernatori Gent Sejko tha se ekonomia, rritja e punësimit dhe e pagave është udhëhequr kryesisht nga sektori i turizmit, por rrezik paraqet inflacioni i lartë.

Inflacioni mbetet sfidë edhe për vitin e ardhshëm, pavarësisht se ecuria e ekonomisë së vendit është pozitive. Ky ishte mesazhi kryesor i dhënë nga guvernatori i Bankës së Shqipërisë Gent Sejko në konferencën përmbyllëse të këtij viti, teksa njoftoi se norma bazë e interesit do të mbetet 3.25%. 

“Këshilli Mbikëqyrës gjykon se presionet e larta inflacioniste nga ekonomia e brendshme mbeten një faktor rreziku për stabilitetin e çmimeve në vend. Zgjerimi i punësimit dhe pagave ka vijuar të ushqejë rritjen e konsumit në ekonomi, por mungesat e pranishme në tregun e punës dhe zgjerimi i shpejtë i pagave mban ende të larta presionet e brendshme inflacioniste”, tha Sejko.

Guvernatori theksoi se turizmi, ishte motori kryesor i ekonomisë për këtë vit, si për të ardhurat e gjeneruara ashtu edhe për punësimin e pagat.

“Vëllimi i aktivitetit ekonomik, punësimi dhe pagat kanë ardhur në rritje, duke pasqyruar më së shumti trendin pozitiv të sektorit të shërbimeve, të udhëhequr nga turizmi. Ekonomia shqiptare do të vijojë të rritet, e nxitur nga zgjerimi i mëtejshëm i konsumit, investimeve dhe eksportit të shërbimeve”, vijoi më tej guvernatori. 

Banka e Shqipërisë vlerëson se inflacioni do të zbresë në objektivin prej 3%, brenda vitit të ardhshëm, por në rast të ndonjë vale tjetër të rritjes së çmimeve, do të ndërhyjë përsëri duke rritur normën bazë.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nik: 21/12/2023 00:49

    Ky eshte pjese e bandes kriminale per grabitjen dhe varferimin e shqiptarve. SPAK-ku duhet te nis hetimet dhe vene para bankes se te akuzuarve si pjese e grupit te strukturuar kriminal.Dasht Zoti dhe vjen dita te japin llogari.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59