Genta Ismaili dokumentar
për 10-vjetorin e karrierës

Këngëtarja kosovare Genta Ismaili mendon të publikojë një libër si dhe një dokumentar autobiografik në lidhje me 10-vjeçarin e karrierës së saj muzikore. “Në muajin maj të vitit 2014 do të shpaloset një projekt i madh për shënimin e dhjetëvjetorit të këngëtares sonë të njohur Genta Ismaili.

Përveç librit, do të ketë edhe dokumentar, një CD me këngë të përzgjedhura nga reportori i saj, do të ketë pjesë nga performancat live të këngëtares. Ka më shumë  se një vit që jemi duke punuar në këtë projekt dhe kanë mbetur edhe pak punë deri në fund.

Besoj se të gjithë adhuruesit e saj do ta mirëpresin këtë projekt”,-është shprehur menaxheri i këngëtares për mediat kosovare. Ndërkohë Genta së bashku me menaxherin e saj nuk kanë vendosur ende nëse materiali do të jetë me pagesë apo dhuratë për fansat e këngëtares.



Redaksia Online
(Xhulia Karavella/shqiptarja.com)