POP 5

Lajmet më të lexuara të 5 minutave të fundit

Sociale

Gështenja e Pogradecit ‘gjen rrugën’ e tregut italian, fermerët: Kërkohet shumë! Çmimi më i lartë se vjet

Ndryshe nga vitet e tjera, gështenja e Pogradecit e ka siguruar tregun. Kryesisht eksportohet në Itali për industrinë e kozmetikës, por dhe vende të tjera të BE-së. Fermerët janë të kënaqur me prodhimin, ndërsa çmimi është 20 % më i lartë se vitin e kaluar.

Me 700 hektarë gështenja në masivet pyjore, Pogradeci është ndër zonat e njohura për prodhimtarinë e lartë të frutit të vjeshtës.

Është pikërisht koha e mbledhjes së gështenjave, punë me të cilën sigurojnë jetesën 90 për qind e familjeve në fshatin Gështenjas.

“Dalim në mëngjes në mal, e mbledhim në tokë, e pastrojmë e seleksionojmë. 30-40 kile mbledh një person në ditë. Çmimi për këto të voglat me 70 lek/kg, të mirat variojnë nga 150 deri në 200 lek për kg. Prodhimi këtë vit është shumë i mirë. Treg sa të duash! E grumbullon njëri këtu nga Pogradeci se është i lidhur me Italinë është lidhur. Nuk ka patur probleme për të shitur këtë vit”, tha Festim Çoçka, fermer.

Ndryshe nga vitet e tjera, gështenja e Pogradecit nuk ka mbetur stok, madje po shitet me çmim 20 për qind më të lartë se vitin e kaluar. Me shumicë gështenja e cilësisë së parë shitet me 200 lek për kg, cilësia e dytë 150 lek për kg dhe e treta me 70 lek për kg. Kjo e fundit shkon kryesisht për industrimë e përpunimit.

Specialisti i Zonave të Mbrojtura, Gani Bego tha për Report TV se gështenja e Pogradecit eksportohet gjerësisht në Itali.

Në Pogradec operojnë tre kompani që grumbullojnë gështenjën nga banorët e zonës dhe e eksportojnë në shtetet e BE, kryesisht Itali. Ndërsa një sasi më e vogël shitet me pakicë në tregun vendas.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 03/11/2023 00:28

    Dhe pastaj italianet e seleksionojne dhe vete dhe e eksportojne ketu tek ne si /geshtenje italiane/! 20 % me i larte cmimi,te shohim nese do gjejne treg e bleres.

    Përgjigju
  • LORA: 02/11/2023 19:46

    Lajm i mire,per kultivuesit pogradecare te geshtenjes dhe ekonomine e tregetine e vendit tone.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

25 Dhjetor, 09:59 nga Blerina Goce