Gështenja: Vizita e Blinken s'duhet të shitet si sukses i qeverisë! Nuk është hera e parë që një sekretar amerikan nuk takon opozitën

 

Sipas deputetit të Partisë Demokratike, Lefter Gështenja vizita e sekretarit amerikan të shtetit, Antony Blinken në Tiranë nuk duhet të konsiderohet si sukses i qeverisë. I ftuar në emisionin “Frontline” me gazetaren Marsela Karapanço në Report Tv, faktin që Blinken nuk takoi asnjë përfaqësues të opozitës e cilësoi si të zakonshëm duke përmendur edhe raste të tjera kur sekretarët amerikanë kanë takuar vetëm përfaqësuesit e pushtetit ekzekutiv.

“Nuk është hera e parë, edhe nga paraardhësit e tjerë ka pasur raste që nuk është takuar opozita. Vizita ka qenë e rëndësishme sepse ata kërkojnë rritjen e presionit kundër krimit dhe korrupsionit, kërkon mbështetjen e institucioneve të drejtësisë. Mjafton t’u referohemi raporteve të SHBA, Shqipëria në vitet 2015-2016 Shqipëria ishte vend lider në kultivimin e kanabisit. Shqipëria ka qenë vend kryesor tranzit, nuk ka zgjedhje të lira dhe të ndershme.Kjo është një ndër arsyet pse SHBA-të, kërkojnë të rikthehet demokracia sepse vendi po rrëshket në autokraci. Shqiptarët tashmë e dinë se kush është kryeministri, gjuha e përdorur është diplomatike.  Nuk është normale që kjo vizitë të shitet si sukses i kësaj mazhorance”- u shpreh Gështenja.

LEXO EDHE:
Mban veshur bluzën 'lironi liderin e opozitës', Meta sulme SPAK dhe 'karaoke' poshtë ballkonit të Berishës

Lajmi kryesor:

Vizita e Blinken në Tiranë, Ngjela: I 'theu hundët' Saliut, ngriti figurën e Ramës! Pas takimit me Dumanin do shohim nëse do ketë emra të tjerë ‘non-grata’

B.V/KT/Shqiptarja.com

TAG:
• Antony Blinken
• spak
• spartak ngjela
• sali berisha
• edi rama
• Blinken ne Tirane