Një trajner profesionist në rritjen e gjarpërinjëve në Hampshire, është gjetur i vdekur në shtëpinë e tij.

Viktima është Dan Brandon, 31 vjeç, ai jetonte me prindërit e tij dhe me disa kafshë ekzotike.
 
Trupi i pajetë i Dan Brandon, u gjet pak metra larg pitonit që kishte në shtëpinë ku banonte.
 
Ai ishte i apasionuar ndaj kafshëve, ndërsa nuk mungonin dhe rastet që ai bënte fotografi me kafshët ekzotike, përfshirë dhe pitonin, i cili mendohet ta ketë sulmuar për vdekje 31-vjeçarin.

Mediat britanike shkruajnë  se policia po heton ngjarjen dhe do të përcaktohet nëse pitoni ka sulmuar për vdekje trajnerin e tij në Hampshire.

Një pistë tjetër e hetimit është se Brandon ka vdekur nga shkaqe natyrale, por ekspertët presin përfundimet e toksikologjisë për zbardhjen e shkaqeve.

[gallery]24032[/gallery]
Redaksia Online
N.M/Shqiptarja.com