Gjendet trupi i pajetë i një të moshuari i zhdukur 10 ditë përpara.

Trupi i pajetë i 78-vjeçarit, Sali Haxha është gjetur në një përrua të thellë në fshatin ku banonte, Arrëz e Madhe në Tepelenë.

Sipas policisë, që prej 10 ditësh i moshuari nuk ishte kthyer në shtëpi që prej mëngjesit që kishte dalë për kullotur bagëtitë.

Policia por edhe banorë të fshatit kanë kërkuar gjatë këtyre ditëve dhe sot në mesditë kanë bërë të mundur gjetjen e trupit.

Nga ekspertiza mjeko-ligjore ka rezultuar se vdekja e të moshuarit ishte aksidentale. Ai ka ndërruar jetë si pasojë e rënies në përrua.

Redaksia Online
(esh/shqiptarja.com)