KORÇË- Thyen arrestin shtëpiak dhe gjendet në ujërat e Rezervuarit të Gjançit në Korçë. Bëhet fjalë për Fridman Xhaferraj, 25 vjeç i cili në datën 21 maj është liruar nga dhomat e paraburgimit duke u lënë në arrest shtëpie në fshatin Plug të Lushnjës. Xhaferraj ishte i akuzuar për zjarrvënie të pronës së tjetrit, përfshirë 3 makina pranë një qendre tregtare. Burime të sigurta thanë se në trupin e 25-vjeçarit janë konstatuar shenja të shumta dhune në trup dhe kokë, ç'ka tregon se 25-vjeçari para se të hidhej në ujërat e Rezervuarit të Gjançit është dhunuar deri në vdekje diku tjetër. Policia shprehet se po punohet për sqarimin e gjithë dinamikës së ngjarjes.
"Më datë 13.06.2021, rreth orës 11:13, në rezervuarin e Gjançit, në Korçë, është konstatuar i mbytur një shtetas ende i paidentifikuar. Shërbimet e Policisë dhe grupi hetimor kanë shkuar në vendngjarje dhe vijon puna për identifikimin e trupit të pajetë si dhe për zbardhjen e rrethanave të ngjarjes. Trupi i pajetë do të dërgohet drejt morgut, përgjigjja e ekspertizës mjekoligjore për të përcaktuar shkakun e vdekjes", shkruhet në njoftimin e Policisë.
Policia ndodhet në vendngjarje dhe po punon për identifikimin dhe zbardhjen e plotë të rrethanave të ngjarjes
Fridman Xhaferraj është 25 vjeçari i gjetur i mbytur në rezervuarin e Gjançit, në Korçë. Dyshohet se ai mund jetë vrarë pasi është goditur me një mjet të fortë. 25 vjeçari ka qenë dënuar më parë për veprën penale "Shkatërrimi i pronës me zjarr", kryer në bashkëpunim). Gjykata e Rrethit Gjyqësor Lushnjë kishte caktuar për këtë shtetas ndryshimin e masës së sigurisë, nga "Arrest në burg" në "Arrest në shtëpi". Më parë ai u ka vënë zjarrin tre makinave të parkuara pranë një qendre tregtare në Lushnje.
Njoftimi i policisë:
Në vijim të informacionit paraprak, në lidhje me ngjarjen e ndodhur në rezervuarin e Gjançit, në Korçë, ku mesditën e sotme u konstatua pa shenja jete një shtetas, ju informojmë se: Në vijim të veprimeve hetimore të kryera nga specialistët për Hetimin e Krimeve në Komisariatin e Policisë Korçë, u bë e mundur identifikimi i viktimës i cili është shtetasi F. Xh., 25 vjeç, banues në fshatin Plug, Lushnjë (i dënuar më parë për veprën penale "Shkatërrimi i pronës me zjarr", kryer në bashkëpunim).
Gjykata e Rrethit Gjyqësor Lushnjë, me vendimin e datës 21.05.2021, kishte caktuar për këtë shtetas ndryshimin e masës së sigurisë, nga "Arrest në burg" në "Arrest në shtëpi". Grupi hetimor nën drejtimin e Prokurorisë të Rrethit Gjyqësor Korçë, në bashkëpunim edhe me Drejtorinë Vendore të Policisë Fier, po vijojnë hetimet për zbardhjen e plotë të rrethanave të kësaj ngjarjeje.
Komente
Lajme të tjera
-
Pogradec, peshkatari kap në ujrat e liqenit të Ohrit peshkun Koran më shumë se 13 kg
19 Prill, 14:04 -
Të arrestuarit në burgun e Drenovës i gjendet celular
19 Prill, 11:34 -
I dënuar për trafik të paligjshëm të emigrantëve, arrestohet 24-vjeçari në Rinas (EMRI)
18 Prill, 15:34 -
Një vend dedikuar artit dhe kreativitetit, hapet Qendra e Artit, Kulturës dhe Inovacionit në Korçë
18 Prill, 15:29 -
Korçë/ Gjendet i pajetë emigranti nga vendet e Lindjes (VIDEO)
18 Prill, 07:53 -
Kuçi i Devollit me nga dy pleq për shtëpi! Rinia në emigrimin, në dekadën e fundit ikën më shumë se gjysma e banorëve! Shkolla mbetet me 9 nxënës
17 Prill, 14:30
-
IKMT aksion në Tushemisht për prishjen e objekteve pa leje! Kryeinspektori: Pastrojmë bregun e liqenit
16 Prill, 12:10
-
Korçë/ Drogë me ushqimet, arrestohet një person brenda burgut të Drenovës
15 Prill, 20:17
-
Korçë/ Iu përmbys traktori duke punuar tokën, 60 vjeçari përfundon në spital
15 Prill, 15:59 -
Ambasadori holandez: Bashkëpunimi i PS me opozitën i rëndësishëm për integrimin në BE, realizoni reformën zgjedhore
14 Prill, 10:07
-
Pogradec, kreu manovër të gabuar, Rrugorja ndëshkon me gjobë drejtuesin e automjetit
13 Prill, 15:58 -
Korçë/ Arrestohet 52-vjeçari, policia i gjeti armë të ftohta në lokalin e tij pa liçencë
13 Prill, 15:35
Me kome te mare Ishalla . Te gjith keta qe jan problematik . Teheqshjin njoni tjetrin. Qete gjej populli qetesi
Përgjigju