Ky shkrim i At Gjergj Fishtës, vlen të lexohet e botohet në çdo kohë. Ai flet për vlerat dhe rëndësinë e familjes, për ndërtimin e shoqërisë, edukimin e brezave dhe përparimin e kombit.
Me 30 dhjetor 2015, në prag të vigjiljes së vitit të ri 2016, u shënua një përvjetor i veçantë në historinë e letrave shqipe, 75-vjetori i vdekjes së poetit kombëtar At Gjergj Fishta. I ndarë nga jeta në 30 dhjetor 1940, në Shkodër, pas një kohe të gjatë lëngimi në shtrat, Fishta la pas një pasuri të paçmueshme letrare e dramaturgjike, por edhe një vepër të konsoliduar në publicistikë e mendim estetik.