Gjermania paralajmëron mbylljen e kufijve me fqinjët

Gjermania bëhet ndër të parët vende që  mbase do t’i duhet të mbyllë kufijtë me vendet fqinje, nëse ato nuk marrin masa për të frenuar përhapjen e COVID-19, ka qenë ky paralajmërimi i shefit i stafit të kancelares Angela Merkel, Helge Braun.

Braun tha se është e rëndësishme të vendoset nën kontroll situata në mënyrë që vendet të mbronin veten nga varianti i ri i Coronavirusit, shumë më i transmetueshëm.

“Rreziku është që kur numri i të infektuarve në një vend të rritet, ky mutacion i virusit bëhet dominues dhe atëherë infeksioni nuk mund të kontrollohet më”, tha Braun.

LEXO EDHE:
BE dëshiron të rifillojë negociatat me Turqinë

Që nga muaji nëntor 2020, Gjermania ka vendosur masa të ashpra të izolimit duke mbyllur restorantet dhe qendrat e sportit, ndërsa prej mesit të dhjetorit edhe shkollat dhe shumicën e dyqaneve, masa të cilat do të qëndrojnë në fuqi deri në mes të Shkurtit minimalisht dhe nëse trendi vazhdon në këtë mënyrë edhe mund të zgjaten më shumë.

Varianti i ri i koronavirusit fillimisht është identifikuar në Britani të Madhe dhe Afrikën Jugore, ndërsa ditët e fundit është shfaqur një variant i ri edhe në Brazil.  Ekspertët thonë se variantete e reja janë s më ngjitës se variantet e para  mirëpo përgjithësisht ka simptoma të njëjta dhe nuk është më i rrezikshëm.

TAG:
• gjermania
• Koronavirus
• varianti i ri i COVID