Drejtuesi politik i Partisë Socialiste për Qarkun e Vlorës, Damian Gjiknuri ka folur për arsimin profesional duke thënë se në dy mandatet e qeverisë Rama ka njohur një transformim të rëndësishëm. Gjatë takimit me profesionistët e rinj në Vlorë, Gjiknuri tha se profesionet e reja janë bërë në përputhje me tregun e punës dhe kërkesat kryesisht të turizmit në kuadër të transformimit të qytetit. Gjiknuri kërkoi që me votë vlonjatët të ndalin regresin dhe kërcënimet e opozitës për bllokimin e projekteve që i japin frymëmarrje të ardhmes turistike të Vlorës.
“Në fillim thanë s’ka bërë asgjë për Vlorën Edi Rama. Kur filluan të dalin gjithë këto projekte në pah sikurse ishte shëtitorja, Sheshi i Flamurit etj. thonë do ti çojnë në SPAK. Duan t’i pengojnë, i vret e mira. Do të thotë se nëse vijnë ata në pushtet do të bllokohen, siç bënë në 2006-tën me mbikalimin e Zogut të Zi. Do të çojnë Sheshin e Flamurit në SPAK, do çojnë sheshin e Skelës në SPAK me qëllim që progresi të pengohet. Ky është mentaliteti i Partisë Demokratike! Nuk mund ta hedhim poshtë mundësinë. U erdhi një shans vlonjatëve që të krijohet mundësia që jeta të jetë më e bukur këtu, por këta duan ti bllokojnë projektet. Ju vret syrin e bukura e ndryshimi dhe e dinë se qytetarët e Vlorës e duan ndryshimin. Vlonjatët e dinë se me këtë qeveri dhe me Edi Ramën Vlora do të bëhët”, tha Gjiknuri.
Më tej, Gjiknuri u ndal konkretisht tek arsimi profesional, reformimi i këtij të fundit dhe politikat nxitëse të qeverisë të cilat kanë orientuar dhjetëra të rinj drejt profesioneve për të cilat ka kërkesë në tregun e punës.
“Arsimi profesional është një nga çështjet kyçe që do të bëjë diferencën për të ardhmen. Shqipëria por krijon dhe do të krijojë vazhdimisht vende pune, por për njërëz që dijnë të punojnë dhe që kanë një zanat. Imagjinoni pas disa vitesh një marinë turistike në Vlorë, sa profesione të reja do të hapen. Do të kërkohen profesionist që punojnë në këtë industri, vende pune me shumicë për të gjithë ketë zonë. E ardhmja është në dorën tuaj, mjafton që të investoni sado pak, me marrjen e një profesioni, e një certifikate. Ta duan atë punë dhe prespektiva e suksesi janë pa limit, varet pastaj vetëm nga aftësia e gjithsecilit. Oportuniteti do të krijohet”, vlerësoi Gjiknuri.
Lagja 11 Janari në qytetin e Vlorës ishte ndalesa e rradhës e drejtuesit politik të Partisë Socialiste për Qarkun e Vlorës Damian Gjiknuri. Në bashkëbisedimin me banorët e zones, Gjiknuri theksoi se problematikat që zona ka, të mbartura ndër vite, do të jenë në fokus të investimeve në këtë mandat të tretë qeverisës, mandat me rëndësi të veçantë për zonat rurale dhe ato informale.
“Është bast politik i vet Kryeministrit Rama ky mandat i tretë, në veçanti për Vlorën, ku vet Kryeministri ka investuar si kurrë më parë. Ashtu siç u premtua Vlora u transformua rrënjësisht, si një model për qytetet e tjera. Investimet e qeverisë socialiste janë në vijimësi. Që këto investime të vazhdojnë, duke përfshirë të gjitha zonat e tjera, përfshi dhe zonën tuaj të banimit, duhet që të vijojmë ta mbështesim Kryeministrin Rama i cili nuk ndalet me investimet për Vlorën”, u shpreh Gjiknuri.
Sipas tij, puna e nisur e çdo investimi vijon të mbetet sfida kryesore për të gjithë ne. “Unë personalisht zotohem që për zonën tuaj të siguroj investime infrastrukturore për t’ju kthyer juve atë mungesë vëmendje që keni patur ndër vite. Ashtu siç në këto 2 mandate zgjidhëm problemin e rrjetit energjitik në zonën tuaj, ashtu jemi po ne, të vetmit që do të sigurojmë investime të mëtejshme në rrjetin e ujësjellësit dhe në rehabilitimin e plotë të akseve rrugore. Siç po realizohet rehabilitimi i aksit të vjetër Levan- Vlorë, duke i dhënë fund makthit dhe shqetësimeve tuaja disavjeçare për problematikat që shkaktonte rruga, edhe çdo segment tjetër dytësor do të ketë investime infrastrukturore”, premtoi Gjiknuri.
Këtë vëmendje për ju e ka vetëm Partia Socialiste, vijoi ai, si e vetmja alternativë që ka në fokus zhvillimin e mëtejshëm e jo regresin siç po e kërkon me ngulm Partia Demokratike. “Duke na dhënë mbështetjen përmes votës ju na krijoni mundësinë që ne të vijojmë të çojmë përpara çdo punë të nisur. Vota për Partinë Socialiste është votë për ju dhe për zhvillim të mëtejshëm”, theksoi Gjiknuri.
Lajme të tjera
-
Kryepolicët e qarqeve/ Prezantohet drejtuesi i ri i policisë Vlorë Elidon Çela! Të pranishëm ministri Hoxha dhe drejtori Proda
17 Nëntor, 13:17 -
Fushata e Kamala Harris/ U shpenzuan 1.5 miliardë dollarë në total! 24 mijë dollarë për ushqim të shpejtë dhe akullore! Mbi 12 mln dollarë për fluturime private
17 Nëntor, 09:38 -
Fundjavë e pazakontë, borë dhe plazh në mesnëntori! Në Vlorë më të guximshmit bëjnë not, zbardhet Dardha e Korçës
16 Nëntor, 13:30
-
Murale në Vlorë me portretet e 40 firmëtarëve të Aktit të Pavarësisë! Bledar Çakalli: Shqiptarët, pak njohuri për historinë
15 Nëntor, 16:07
-
Vlorë/ I vodhën celularin një personi dhe tentuan t'i marrin çantën një të miture, vihen në pranga 3 persona
15 Nëntor, 13:52 -
Vlorë/ Pak minuta reshje dhe disa prej rrugëve kryesore të qytetit pushtohen nga uji (VIDEO)
15 Nëntor, 09:26 -
Vlorë e Tropojë/ Dy banesa objektiv i shpërthimeve me lëndë plasëse! Vetëm dëme materiale
15 Nëntor, 07:48 -
Zjarr në fushën e mbetjeve urbane në Vlorë, forcat zjarrfikëse në vendin e ngjarjes
14 Nëntor, 21:41 -
Vlorë/ Rifillimi i reshjeve, banorët i frikësohen një pëmbytjeje të dytë! Në lagjen '10 korriku' bllokojnë portat me thasë me rërë
14 Nëntor, 09:41
-
Berisha paralajmëron tjetër ‘pakt’ me PS: Gati të votojmë çdo ndërhyrje në Kod për votën e diasporës
13 Nëntor, 17:13 -
Lungomare 3, shemben 30 lokale e restorante pergjatë vijës bregdetare Vlorë-Radhimë
13 Nëntor, 16:50 -
PËRMBYTJET/ Kryebashkiaku i Vlorës: Do bëjmë ‘presion’ në Qeveri për investime në kanalet e ujërave të larta
13 Nëntor, 09:26
