POP 5

Lajmet më të lexuara të 5 minutave të fundit

Ekonomi

Gjiknuri takon Hoffmann:Mbështetje
teknike, financiare nga Gjermania

Ministri Gjiknuri pret në takim ambasadorin gjerman, Hellmut Hoffmann. Ministri kërkoi mbështetje teknike dhe financiare nga Gjermania.
Gjiknuri takon Hoffmann:Mbështetje<br />teknike, financiare nga Gjermania
TIRANË - Mbështetje teknike nga Gjermania me qëllim rritjen e transparencës dhe efikasitetit në punën e institucionit e strukturave në varësi, ashtu sikurse edhe mbështetje financiare në projektet e fushës energjetike.

Kjo ka qenë një nga kërkesat që ministri i Energjisë dhe Industrisë, Damian Gjiknuri i bëri ambasadorit të Republikës Federale të Gjermanisë në Tiranë, Hellmut Hoffmann gjatë një takimi sot.

Gjiknuri u shpreh se një ndër prioritetet më të rëndësishme të punës së tij është rritja e transparencës në procedurat e koncesioneve dhe kontratat e nënshkruara në fushën e energjisë, minierave dhe hidrokarbureve. "Në vlerësimin tim, qytetarët duhet të kenë informacion për kompanitë që marrin pjesë, mënyrën e përzgjedhjes, cilët janë fituesit dhe se si po zbatohen këto kontrata", tha Gjiknuri.

Duke u ndalur konkretisht në projektin e ndërtimit të linjës së interkonjeksionit Shqipëri-Kosovë, e financuar nga Banka gjermane KfW, Gjiknuri shprehu vendosmërinë për ta bërë atë sa më shpejt realitet, duke garantuar mos përsëritjen e problemeve të hasura në të shkuarën.

Gjiknuri-Hoffmann biseduan edhe për prioritetet e programit të qeverisë në kuadër të fushës së energjisë dhe industrisë. Ministri vuri theksin tek mirëmenaxhimi i burimeve natyrore, menaxhimi i krizës financiare në sektorin energjetik, ashtu sikurse edhe tek zbatimi i politikave në interes të publikut.

Ministri shprehu angazhimin e tij të plotë për të krijuar një frymë sa më pozitive për investitorët e huaj në vend.

Nga ana e tij, ambasadori Hoffmann duke e theksuar energjetikën si një fushë kyçe, shprehu gatishmërinë për të çuar përpara projektet e përbashkëta ashtu sikurse edhe për të dhënë ndihmesë në aspektin teknik.

Ambasadori nënvizoi se rregullat e qarta ligjore janë rruga e duhur për të garantuar sigurinë e investitorëve të huaj.

Redaksia Online
(mag/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça