POP 5

Lajmet më të lexuara të 5 minutave të fundit

Ekonomi

Gjiknuri urdhëron mbylljen e
rafinerive ilegale të naftës

Ministri i Energjetikës dhe Industrisë duke pranuar nivelin e lartë të spekulimeve nga bizneset në këtë sektor, ka deklaruar zbulimin e rafinerive kontrabandë të hidrokarbureve në vend.
VIDEO/Gjiknuri: Problem rafineritë ilegake
Gjiknuri urdhëron mbylljen e<br />rafinerive ilegale të naftës
TIRANE- Tregu shqiptar i hidrokarbureve vazhdon të lundrojë në një informalitet të lartë dhe jashtë standardeve minimale të cilësisë.
 
Ministri i Energjetikës dhe Industrisë, Damjan Gjiknuri, duke pranuar nivelin e lartë të spekulimeve nga bizneset në këtë sektor, ka deklaruar zbulimin e rafinerive kontrabandë të hidrokarbureve në vend që janë dhe shkaku i cilësisë së dobët në shitjen me pakicë.
 
“Është problemi i rafinerive ilegale. Në Shqipëri ka plasur fenomeni gjatë viteve të fundit me ndryshimet në ligj  që fatkeqësisht kanë krijuar hapësirën e nevojshme për të ndërtuar gjoja impiante riciklimi që në vetvete kanë qëllimin e tyre marrjen e naftës bruto dhe përzierjen për efket të lëshimit të këtij produkti në treg. Paketa ligjore po përgatitet për ta futur industrinë e naftës në standardet e pranuara europiane”- tha Gjiknuri.
 
Gjatë takimit që ministri Gjiknuri zhvilloi me krerët e Inspektoratit Qendror Teknik, ai theksoi se mbikëqyrja e standardeve është shumë e rëndësishme.
 
“Këtë muaj kam parë një riaktivizim të inspektoriatit pas një peridhe që do të thoja errësire që është bërë me dashje për të favorizuar gjallimin e shumë aktiviteteve ilegale që bënin evasion fiskal, apo punonin me produkte jashtë standardeve” – tha Gjiknuri, i cili shtoi se dune rregulla të forta dhe në tregtimin e bombulave të gazit.
 
 Ministri Gjiknuri paralajmëroi një furtunë masash të ashpra dhe kontrollesh në sektorin e hidrokarbureve, ku kompanitë do të jenë nën një monitorim të vazhdueshëm. Në 3-mujorin e fundit të vitit 2013 u kryen 769 kontrolle të cilësisë nga 3421 që u realizuan gjatë gjithë vitit, dhe u ndëshkuan 40 subjekte.


Disa të dhëna mbi rezultatet e punës së IQT-së në tre mujorin e fundit të vitit 2013
Subjekte të çërtifikuara në vitin 2012
Në total 395
 
Subjekte të çertifikuara në vitin 2013
Në total 846
 
Inspektime per respektimin e kushteve teknike
 per vitin 2013 gjithsej 846 raste
si tremujor i 4 .      283 raste

Akte Konstatimi
penalitete per mungese dokumentacioni
per vitin 2013 gjithsej 158 raste
si tremujor i 4 .       28 raste

Inspektime per standartin e cilesise.
 per vitin 2013 gjithsej 3421 raste
 si tremujor i 4 .        769  raste

Akte konstatimi Penalitete per cilesine
1-per vitin 2013 gjithsej 154 raste
2- si tremujor i 4.       40 raste
 Per sekuestrim jashte standartit 2 subjekte.

BLLOKOHET SUBJEKTI XHORXHI-PETROL SH.A
Grupet e Inspektimit të Drejtorisë së Naftës dhe Gazit kryen një kontroll në Sarandë dhe në Vrion bllokuan subjektin Xhorxhi-Petrol Sh.a të cilit i mungonte dokumentacioni tekniko-ligjor. Ky subjekt ushtronte aktivitetin e riciklimit dhe mbushjes së vajit ndërsa i mungonte vërtetimi teknik, lejet e ushtrimit nga ministria e linjës dhe lejet mjedisore. Ekspertët kanë bllokuar veprimtarinë e subjektit, kanë plumbosur të gjitha depozitat rezervuare dhe kanë vendosur edhe një gjobë 5 milion lekë të reja. Po vazhdojnë procedurat për verifikimin e mëtejshëm të aspektit cilësor të produkteve të ricikluara.

Gjithashtu, në ditët e fundit janë bllokuar edhe depozitat e dy impianteve të riciklimit që kishin leje nga Ministria e Mjedisit por të pa pajisura me leje nga Ministria e linjës.

Redaksia online
(sg/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Raporti për klimën i Bankës Botërore: Diversifikimi dhe potenciali i erës do të bënin TEC Vlorën jo ekonomik përtej 2030

Raporti për klimën i Bankës Botërore: Diversifikimi dhe potenciali i erës do të bënin TEC Vlorën jo ekonomik përtej 2030

29 Nëntor, 07:39