Gjimnazet, shtohen lëndët për
kurrikulën me zgjedhje të lirë

Të gjithë ata të rinj që ndjekin nëj shkollë të mesme do të kenë mundësi që të zgjedhin sa më shumë lëndë profesionale në të cilat ata të përfeksionojnë njohuritë e tyre. Kjo sipas udhëzimit të MASH, që ka rekomanduar shtimin e lëndëve për kurrikulën me zgjedhje të lirë. Dhe më konkretisht, në ndihmë të zbatimit të kurrikules me zgjedhje të lirë, Instituti i Zhvillimit të arsimit ka hartuar edhe 10 programe të reja të moduleve profesionale.

Sipas udhëzimit të MASh-it, i cili u ka shkuar tashmë të gjitha shkollave të vendit, drejtoritë e gjimnazeve duhet të informojnë nxënësit e prindërit e tyre për këto module sipas kushteve të shkollës, të përfshijnë në zbatimin e kurrikules me zgjedhje të lirë, modulet profesionale ku përfshihen “Punime të mirëmbajtjes dhe riparimit në banesa”, “Etika e të veshurit dhe arredimit”, “Veprimtari në shërbimin e klientit”, “Estetika dhe truku”, “Veprimtaritë bujqësore”, “Veprimtari ndihmëse në laborator”, “Kujdesi për kafshët e shoqërimit”, “Asistencë zyre”, “Përpunim i produkteve ushqimore”, si dhe “Punime të riparimit dhe mirëmbajtjes mekanike”.

Shkrimi u publikua sot (20.09.2013) në gazetën Shqiptarja.com (print)

Redaksia Online
(a.ç/shqiptarja.com)