Gjinekologjia shqiptare 
unifikohet me atë të Kosovës

TIRANË- Gjinekologët shqiptarë do të shkëmbejnë eksperienca online me ata të Prishtinës me qëllim unifikimin e protokolleve për diagnza të caktuara. Në këtë linjë materniteti Mbretëresha Geraldinë, nëpërmjet telemedicinës ka zhvilluar lidhje online me ekipin e mjekëve në Durrës, Shkodër, Korcë, Lezhë dhe me ata të Prishtinës.

Ekolampsia ishte patologjia për të cilën mjekët zhvilluan një lidhje me anë të telemedicinës, si një patologji që rrit mortalitetin fetal dhe amtar. 

E pranishme në këtë aktivitet ishte edhe Zv. Ministrja e Shëndetësisë, Milva Ikonomi e cila e ka konsideruar shumë të rëndësishme trajtimin e ekolampsisë për shkak edhe të vdekshmërisë neonatale.

Sipas mjekëve unifikimi i protokolleve ka peshë edhe në rritjen e nivelit emocional, duke i shërbyer më mirë nënës dhe fëmijës.

Redaksia online
(esh/shqiptarja.com)