Gjinestra:  Rihapet faltorja e shejntë e
Zojës së Stambollit, ndërtuar nga shqiptarët

Pas disa vitesh restaurimi u  rihap Faltorja e  Zojës së Konstandinopojës, mbrojtësja e Gjinestrës, e cila ishte mbyllur për probleme statike. Ky vend i adhurimit u ndërtua nga shqiptarë, para se të ndërtonin shtëpitë e tyre. Një gojëdhënë thotë se  Virgjëresha Mari u shfaq në ëndërr tek një njeri, të cilit i tregoi vendin se ku mund të gjente  portretin e saj të  pikturuar. Ai shkoi në atë vend dhe së bashku me disa të  tjerë  pas kërkimeve gjetën  portretin mbi një lis. Aty u ndërtua kapela dhe pothuajse sapo kishte  përfunduar ndërtimi i saj, në një mëngjes rrezatues të muajit maj, të martën pas Rrëshajëve, ai gjeti pikturën e bukur të vendosur tashmë në altar.

Në kujtim të asaj ngjarjeje të mrekullueshme, çdo vit festohet festa e Zojës së Kostandinopolit të martën pas Rrëshajëve. Rimëkëmbja e këtij vendi kaq i dashur për popullin e Gjinestrës, u mbështet fuqimisht edhe  nga prifti i atëhershëm famullisë, Don Gilberto Cignarale i cili  për të mbledhur fonde organizoi vite më parë një koncert me pjesmarrjen e  këngëtarit të famshëm  napolitan Massimo Ranieri ku morën pjesë  rreth 4 milion njerëz. Inaugurimi i shenjtërores u mbajt më 19 maj në praninë e Ipeshkvit të Dioqezës, At Gianfranco Todisco, ditën e  Rrëshajëve, dhe festën  për  nder të Zojës së Konstandinopojës.

Çatia e  kishës u rindërtua plotësisht me të  dru të  petëzuar  si dhe dyshemeja me  material polikromatik. Edhe afresku i Zojës së Kostandinopojës, një ikonë e mrekullueshme e stilit të pastër bizantin, me kullat e qytetit në flake  e rrethuar nga një lis  është restauruar nga John Bruno di Venosa. Në të kaluarën me rastin e Vitit Marian, Peshkopi Vincenzo Cozzi ka dashur të nderoi 600 vjetorin e ndërtimit të kësaj Faltoreje duke e zgjedhur nga radhët e shenjtorëve për  jubileun Marian.
 
PËRKTHIMI NË GJUHËN ARBËRESHE
 
ZHURË: HAPET NJ’ATËRË HERË KLJISHA SHËRMËRISË E STISUR KA ALJBËRESHËT
U hap, pas disa vitra restauri, Santuari i Shërmërisë e Kostantinopolit, shëjta e Zhurës, çë kish mot çë ish e mbllimë pse ish e shuljartur. Ky vend kulti klje stisur ka aljbëreshët e më parë se të stisin shpitë e tyre. Thuhet se Shërmëria i duall në ënderr një kishteri e i tha vendin ku do të gjënej një kuadër me çerën e saj. Ai vate atje me më disa e gjet quadri mbi një ljis. Atje u stis kapeljia, e një herë e rritur, në një manat e thjellëtë, të marrën  e Korpdhikristit, u gjet kuadri i bukur e Shërmërisë, vet i vënur mbi autarit.

Për kuljtim i këtij mirakulli, nga vjet bëhet festa e Shërmërisë,  të marrën e  Korpdhikristit. Rekuperi i këtij vendi  e dish fort populacjuna e Zhurës bashkë me priftin, don Gilberto Cignarale, çë për të mbidh soldet skomodharti edhe kantandin Massimo Ranieri, cë këndonehj te festa përpara katër milj vet.

Inauguracjuna e Santuarit u bë në 19 majit me Veskuvin, Gianfranco Todisco. Kljisha u mbuljua me dërrasa e trava druri e matunata me shumë kulure. Edhe quadri i Shërmërisë, një ikonë bixantine  e bukur, ku duket katundi çë digjet afër një ljis, klje retaurartur ka Giovanni Bruno di Venosa. Tje pak mot, me “l’Anno Mariano”, veskuvi Mons. Vincenzo Cozzi dish të e onorarnej centenarin e katert tue zgjedhur këtë Santuar në mest të tjervet të Shërmërisë.
Pietro Abitante

Shkrimi u botua sot në gazetën Shqiptarja.com (print) 26.05.2013
 
Redaksia Online
(b.m/shqiptarja.com)