Gjirokastër/ U kapën me 70 kg kanabis të fshehur në makinë, 3 në pranga! Njëri kontrollonte rrugën për prezencën e policëve (VIDEO)

Tre persona kanë rënë në prangat e policisë së Gjirokastrës pasi po transportonin 87 pako me kanabis me automjet. Ata janë identifikuar si Sotir Rroshi, 39 vjeç, Fernando Toska, 37 vjeç dhe Maria Çaushi, 37 vjeçe.

Gjatë operacionit, shërbimet e Policisë kanë ndaluar në aksin nacional “Ersekë - Tre urat”, Përmet, automjetin tip “Volvo”, me drejtues Sotir Rroshin dhe pasagjere shtetasen Maria Çaushin. Gjatë kontrollit në këtë automjet, shërbimet e Policisë kanë gjetur të fshehura në vende të përshtatura, 87 pako të mbushura lëndë të dyshuar narkotike kanabis, me peshë totale 70 kg. 

Gjithashtu, shërbimet e Policisë kanë ndaluar automjetin që drejtohej nga Fernando Toska, i cili kontrollonte rrugën, me qëllim për të sinjalizuar 2 shtetasit e tjerë, për prezencën e shërbimeve të Policisë.    

Në cilësinë e provës materiale u sekuestruan 70 kg lëndë e dyshuar narkotike kanabis, 2 automjete dhe 7 aparate celulare. 

Specialistët për Hetimin e Narkotikëve, nën drejtimin e Prokurorisë, vijojnë punën për identifikimin dhe kapjen e personave të tjerë të përfshirë në këtë veprimtari kriminale.   Materialet i kaluan Prokurorisë pranë Gjykatës së Rrethit Gjyqësor Gjirokastër, për veprën penale "Trafikimi i narkotikëve", kryer në bashkëpunim.

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ditë me diell e temperatura deri në 28 gradë celsius, parashikimi i motit për sot

Ditë me diell e temperatura deri në 28 gradë celsius, parashikimi i motit për sot