Sektori Kundër Trafiqeve ka arrestuar në flagrancë në Gjirokastër një shtetas nga Sudani.

Mohammad Ahmad, 30 vjeç është kapur në flagrancë nga Specialistët e Sektorit Kundër Trafiqeve në fushën e Arshilengos ,duke shoqëruar 10 shtetas nga Siria ,duke i ndihmuar për t'i shpëtuar policisë.

Ky shtetas është kapur disa herë si klandestin nga Policia e Gjirokastrës dhe ajo Kufitare  dhe nga informacionet e veprimet e kryera nga Specialistët Kundër Trafiqeve në Drejtorinë e Policisë së Qarkut Gjirokastër rezulton se ky shtetas kishte ndihmuar edhe herë të tjera shtetasit nga Siria me qëllim fitimi.

Arrestimi për dhënie ndihme për kalim të paligjshëm të kufirit kundrejt fitimit .
 
ATSH