POP 5

Lajmet më të lexuara të 5 minutave të fundit

Kultura

Gjirokastra, destinacioni i kulturës
në edicionin e dytë të “Traku-Fest”

Prej dy ditësh Gjirokastra është shndërruar në destinacionin e mjaft aktiviteteve të ndryshme që kulmohen në një të vetëm që quhet TRAKU-Fest ose ndryshe, Festivali i Trashëgimisë Kulturore. VIDEO FOTO
Prej dy ditësh Gjirokastra është shndërruar në destinacionin e mjaft aktiviteteve të ndryshme që kulmohen në një të vetëm që quhet TRAKU-Fest ose ndryshe, Festivali i Trashëgimisë Kulturore. 

traku fest

Nisja e këtij festivali është shoqëruar me pjesëmarrje masive në Pazarin Karakteristik, i cili është gjallëruar si kurrë më parë. 

traku fest

Rryma të ndryshme muzikore nga punk, rock, jazz etj nga banda të ndryshme apo dhe nga Dj të ndryshëm, kanë performuar në qendrën e zonës historike duke gjallëruar rininë e pranishme. 

traku fest

Ajo që e bëri më të veçantë Traku-Fest, ishte dhe ardhja e një çifti që kurorëzohet po në këto ditë të zhvillimit të këtij aktiviteti që promovon vlerat e Gjirokastrës.

traku fest

Për organizatorët pjesëmarrja tregon se tashmë me afrimin e rinisë në aktivitete të tilla synohet njohja e këtyre vlerave kulturore e historike si dhe traditës gjirokastrite.

Edicioni i dytë i këtij festivali i cili mbështetet nga Ministria e Mirëqenies Sociale dhe Bashkisë së Gjirokastrës, vijon me mjaft aktivitete të ndërthurura si ekspozita, panair kulinarie, sesione shkencore, udhëtime e vizita në banesa të ndryshme karakteristike, site arkeologjike etj e deri te koncertet e shumta në pika të ndryshme të qytetit. 

traku fest

”Nuk besoj se mund të ketë një hapësirë të dytë, ku në kaq pak kilometra katror njerëzit mund të gjejnë edhe kulturën e lashtë siç është Antigoneja dhe Adrianopuli në luginë. Edhe kulturën edhe gjithë trashëgiminë  otomane në mënyrën se si është ndërtuar qytetit i Gjirokastrës dhe luftën e parë dhe luftën e dytë botërore, të cilat miku im Shkreli po organizon ekspozita në disa cepa të ndryshëm të pjesës së vjetër të lagjes së pazarit”,- u shpreh ministri Veliaj.

traku fest
 
Aktivitetet që vijnë si një ndërthurje e të zhvilluar në zona të ndryshme të Pazarit Karakteristik dhe kështjellës së qytetit, janë ndjekur me mjaft interes jo vetëm nga banorë të rajonit jugor, por edhe nga turistë të huaj dhe banorë të ardhur nga rrethe të ndryshme të vendit dhe trevat shqiptare.

Redaksia Online
(xh.k/shqiptarja.com)

/Shqiptarja.com
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze