TIRANE- Si do të procedohet nga personat fizikë e juridikë që kanë marrë “gjobat elektorale”, të cilat tashmë janë falur më ligj? Fjala është për gjobat e vendosura nga administrata tatimore nga marsi deri në fund të gushtit 2013, të cilat, sipas gjykimit të Kuvendit, u motivuan nga qëllime politike e abuzive. Në Udhëzimin e përbashkët të ministrave të Financave dhe të Zhvillimit Ekonomik, Tregtisë dhe Sipërmarrjes, në zbatim të ligjit, shpjegohen detyrat e Tatimeve dhe të drejtat e të gjobiturve, të shoqëruara nga tre formularë përkatës.