Ndonëse kemi rritje të rasteve me COVID dhe të shtrimeve të të infektuarve në spitale, numri i qytetarëve që nuk zbattojnë masat e vendosura nga Komiteti Teknik i ekspertëve vijon të jetë i lartë.
Policia njofton se në Dibër janë ndëshkuar me nga 5.000.000 (milion) lekë secili, 2 persona, pasi kanë organizuar një tubim në kundërshtim me masat anti-COVID.
Në 24 orët e fundit janë gjobitur me 3.000 lekë, 690 qytetarë të cilët janë kapur pa maskë në të gjithë vendin, ndërsa 7 prej tyre që nuk kanë pranuar t’i tregojnë punonjësve të policisë dokumentin e identifikimit, janë shoqëruar në komisariat.
Gjithashtu, gjatë kontrolleve është evidentuar një subjekt që ushtronte aktivitetin në kundërshtim me protokollet e sigurisë. Për administratorin e këtij subjekti është vendosur masa administrative 1.000.000 lekë.
"Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren në të gjithë vendin, për të monitoruar zbatimin e masës së re për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.
Si rezultat i këtyre kontrolleve, gjatë 24 orëve të fundit, në të gjithë vendin, Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3.000 lekë secili, 690 qytetarë që janë konstatuar duke lëvizur pa maskat mbrojtëse. Gjatë kontrolleve janë shoqëruar në ambientet e Policisë në të gjithë vendin, 7 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.
Në Dibër janë ndëshkuar me nga 5.000.000 lekë secili, 2 shtetas, pasi kanë organizuar një tubim në kundërshtim me masat anticovid. Gjithashtu, gjatë kontrolleve është evidentuar një subjekt që ushtronte aktivitetin në kundërshtim me protokollet e sigurisë. Për administratorin e këtij subjekti është vendosur masa administrative 1.000.000 lekë", thotë policia.
Kujtojmë se dje (2 dhejtor), Komiteti Teknik i Ekspertëve ka vendosur që masat kufizuese anti-COVID do të qëndrojnë të pandryshuara për një afat të papërcaktuar.Në fuqi do të mbeten kufizimet e orareve të lëvizjes nga ora 22:00 - 06:00 ku përjashtim bëjnë vetëm ata persona dalin për arsye pune. Ky kufizim do të jetë në fuqi dhe për baret e restorantet të cilat do të qëndrojnë të mbyllura gjatë këtij fashë orari. Përjashtim do të bëjnë vetëm subjektet që kanë shërbim delivery.
Në fuqi do të qëndrojë dhe vendimi për zhvillimin e mësimit të alternuar për ciklin e ulët dhe atë të mesëm. Gjithashtu nuk do të lejohen grumbullimet e më shumë se 10 personave, zhvillimi i tubimeve, festave, dasmave, ceremonive mortore apo takimeve politike.
Lajme të tjera
-
Mat/ Pas një viti betejë me sëmundjen, ndërron jetë prifti i kishës katolike don Gianfranco Cadenelli
30 Tetor, 22:44 -
Gjobitën makinat me targa të huaja në Rrugën e Kombit e lekët i futën në xhep, arrestohet polici në kërkim, 22 efektivë në hetim
28 Tetor, 10:09 -
Bulqizë/ Arrestohet 33 vjeçari, nuk iu bind urdhrit të policisë! Gjatë kontrollit iu gjet sasi lënde narkotike
25 Tetor, 08:44 -
Kultivoi kanabis në një fshat të Matit, arrestohet 33-vjeçari! Në hetim kryeplaku
24 Tetor, 09:58 -
Aksident në aksin Peshkopi-Maqellarë/ Makinat përplasen me njëra-tjetrën, 1 i plagosur
23 Tetor, 10:49 -
Pogradec, 20 hotele gjobiten me nga 2 milionë lek! Pronarët në protestë: Të anulohet Akti Normativ për impiantet e ujërave të zeza
22 Tetor, 18:01
-
E rëndë në Burrel/ Banesa përfshihet nga flakët, 41 vjeçarja ndërron jetë si pasojë e asfiksimit nga tymi
21 Tetor, 10:56 -
Bilanci për javën që lamë pas, Policia: Rreth 23 mijë gjoba, arrestohen 39 drejtues mjetesh
20 Tetor, 11:23 -
1961 gjoba në një javë, Rrugorja e Vlorës dhe Sarandës bëjnë bilancin: Arrestohen 3 shoferë! Procedohen penalisht 2 të tjerë
14 Tetor, 15:42 -
Qytetari sherr me punonjësit e bashkisë së Dibrës! Përfundojnë të tre në Komisariat
11 Tetor, 20:19 -
Apeli vendos kundër ndërtimit të HEC-it mbi lumin Seta në Dibër
11 Tetor, 17:31 -
Dibër/ 3 ditë helmim masiv nga uji i pijshëm, rreth 200 banorë me diarre e të vjella! Prefekti: Ujërat e shiut deportuan në depot e ujësjellësit
9 Tetor, 10:44
