Masat kufizuese anti-COVID do të qëndrojnë të pandryshuara për një afat të papërcaktuar. Ky është vendimi i marrë nga Komiteti Teknik i Ekspertëve këtë të mërkurë (2 dhjetor).
Zëvendës Ministrja e Shëndetësisë, Mira Rakacolli tha se nuk do të ketë kufizime gjatë fundjavave ashtu siç ishte publikuar në media një ditë më parë. Ajo tha se me situatën e paraqitur kjo masë nuk është e nevojshme por nuk la pa përmendur se nëse situata do të rëndohet, këto do të shqyrtohen.
Duke qenë se jemi në prag të festave të fundvitit, Rakacolli tha se nuk ka ende një vendim për të vendosur masa kufizuese gjatë kësaj periudhe. Këto do të varen në bazë të ecurisë së përhapjes së koronavirusit në vendin tonë.
Kujtojmë që në fuqi do të mbeten kufizimet e orareve të lëvizjes nga ora 22:00 - 06:00 ku përjashtim bëjnë vetëm ata persona dalin për arsye pune. Ky kufizim do të jetë në fuqi dhe për baret e restorantet të cilat do të qëndrojnë të mbyllura gjatë këtij fashë orari. Përjashtim do të bëjnë vetëm subjektet që kanë shërbim delivery. Shkelja e këtyre kufizimeve do të ndëshkohen me masë administrative prej 10.000 lekësh.
“Kufizimi i lëvizjes nga ora 22:00 – 06:00 në të gjithë vendin, me përjashtim të lëvizjes për motive pune, emergjença shëndetësore apo nevoja të domosdoshme. Ndalohen aktivitetet e bareve – restoranteve nga ora 22:00 – 06:00 (përveç shërbimit delivery). Smart-working për administratën publike (sipas speçifikës së sektorit) në zbatim të protokolleve të sigurisë. Përjashtim bëjne strukurat ofruese të shërbimeve duke zbatuar protokollet e sigurisë. Këto masa do të hyjnë në fuqi ditën e mërkurë në 11 Nëntor dhe do të zgjasin deri në 3 javë. Masat do të rishikohen çdo javë në varësi të situatës dhe dinamikës së ngjarjeve" - tha Mira Rakacolli.
Në fuqi do të qëndrojë dhe vendimi për zhvillimin e mësimit të alternuar për ciklin e ulët dhe atë të mesëm. Ndërkohë për sistemin universitar, mësimi do të zhvillohet online për një afat të papërcaktuar deri në një urdhër të dytë. Gjithashtu nuk do të lejohen grumbullimet e më shumë se 10 personave, zhvillimi i tubimeve, festave, dasmave, ceremonive mortore apo takimeve politike.
Ndër të tjera shefja e epidemiologjisë, Eugena Tomini bëri një panoramim të qartë të situatës së koronavirusit në kopshte dhe çerdhe. Ajo tha se nuk është evidentuar ndonjë shpërthim masiv. Në anën tjetër, mjeku Tritan Kalo ka folur mbi çështjen e fshehjes së viktimave që ka hapur debat në opinionin publik gjatë ditëve të fundit. Ai tha nuk ka asnjë shans që të ndryshohet shkaku i vdekjes së skedën mjekësore.
Zëvendës Ministrja e Shëndetësisë, Mira Rakacolli deklaroi se nuk do të ketë kufizime gjatë fundjavave.
"Komiteti i Ekspertëve nuk e ka shtruar në asnjë moment mbylljen gjatë fundjavave. Në vendimin e sotëm, nuk është përmendur. Nëse do të ketë rëndime të situatës epidemiologjike atëherë mund të jetë kjo por mund të ketë dhe masa të tjera.
Mjeku Tritan Kalo ka hedhur poshtë çdo dyshim se mund të ndryshohet shkaku i vdekjes në skendën mjekësore.
"Sa i përket rasteve të humbjes së jetës në shtëpi, janë zyrat e gjendjes civile që e saktësojnë, mjekët e familjes apo ato rajonalë. Në këto raste nuk bëhet asnjë ndërhyrje, ose të krijohet një artificë si në lidhje me diagnozën e pranimit, të evolumit dhe vdekje. Pra në këtë rast nuk ka asnjë lloj falsifikim ose ndryshim. Është e pamundur. Problemi është kush është shkaku parësor dhe dytësor.
Në një pacient me Covid jo gjithmonë sëmundja bazë është shkaku i vdekjes, por janë edhe ndërlikimet që vijnë në terrene në të cilën i sëmuri është shtruar në spital. Kemi të sëmurë me dëmtime të tjera dhe në terren të këtyre të sëmurëve zhvillohen edhe problematika që lidhen me sëmundjen bazë.
Kanë ndërruar jetë të sëmurë me sëmundje malinje të gjakut. Të sëmurët që kanë probleme me dializën, dëmtimet që ndodhin jo gjithmonë janë fatale të lidhura direkt me Covid, por janë agravime të situatave. Këto janë të reflektuara në kartelën e të sëmurit. Populli ta ketë të qartë që nuk ka ndryshim diagnoze ose ndryshim i shkakut të vdekjes.Problematikat që krijohen artificialisht krijojnë një tymnaje dhe një ndarje mes besimit të popullit dhe punës së madhe që bëjnë mjekët”, tha Kalo.
Shefja e Epidemiologjisë, Eugena Tomini ka bërë një panoramim të qartë të situatës COVID në kopshte dhe çerdhe, teksa është ndalur që të flasë edhe për festimin e festave të fundvitit.
"0-4 vjec kemi një incidencë shumë të ulët, 0.7-0.8% të rasteve. Nuk kemi evidentuar shpërthim masiv, kemi pasur grupime të minimizuara, por nuk kanë ndikuar të incidenca. Grumbullimet masive apo për të festuar festat, sigurisht janë element që duhet të privohen, të ndalohen, që është e mira të festojmë në familjen e ngushtë në këto kushte që pandemia na e ka kufizuar", tha Tomini.
Zëvendës ministrja e Shëndetësisë, Mira Rakacolli foli dhe për kufizimet gjatë festave të fundvitit. Ajo tha se nuk do të lejohen grumbullimet më shumë se 10 persona.
Por Rakacolli deklaroi se në varësi të zhvillimit të situatës do të vendosin më pas nëse do të lehtësojnë masat ose jo.
"Ne jemi disa javë larg krishtlindjeve dhe shohim që situata po vijon e njëjtë. Do shohim se si do shkojmë më vonë. Nëse do ndryshojmë për më mirë, nëse qytetarët bashkëpunojnë me autoritetet këto masa do ndryshojnë për mirë. Nëse ato do ndryshojnë për keq atëherë do të qëndrojnë në fuqi" - tha Rakacolli.
Komiteti Teknik i Ekspertëve të Shëndetësisë vendosi mesditën e kësaj të mërkure që masat kufizuese aktuale të qëndrojnë në fuqi pa afat. Më saktësisht, nuk do të lejohen lëvizjet nga ora 22:00 - 06:00.
I njëjti kufizim do të jetë në fuqi dhe për baret e restorantet të cilat do të qëndrojnë të mbyllura gjatë kësaj periudhe kohore.
Gjithashtu nuk do të lejohen grumbullimet më shumë se 10 personave, dasmat, ceremonitë mortore dhe konferencat.
Komente
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Pse janë kaq të rrepta rregullat e Kinës për koronavirus?
30 Nëntor 2022, 13:36 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06
Futjani se man ky popull,ne shqiptaret jemi te forte vetem duke ja pas me smir njeri tjetrit,kurse qe te mblidhemi dhe ti kerojmè llogari qeveritarve per padrejtesit qe bejne ne postet e tyre kete gje nuk e kemi bere kurre ne historin tone,keshtuqe dalim popull frikacak dhe pa deshiren per te qene me mirqenie
PërgjigjuMoj zonje mbyll shkollat e u semurem nga femijet. E di sa e ke numrin e femijeve te semure qe mire ne po na semuren dhe prinderit qe i marrin nga shkolla. Mblidhni mendjen e kokes se na torturuat
Përgjigju