POP 5

Lajmet më të lexuara të 5 minutave të fundit

Kronikë

Gjurma e gishtit që zbuloi Nuredin Dumanin në vrasjen e Bujar Çelës u zbulua në një kartëmonedhë

Nuredin Dumani, gati 20 minuta para vrasjes së Bujar Çelës, furnizoi me karburant automjetin “Renault”. Në lekët që i dha punëtorit, policia gjeti gjurmën e gishtit.

Lekët që Nuredin Dumani i ka dhënë një punonjësi karburanti në Elbasan, vetëm 20 minuta para se të ekzekutohej Bujar Çela, vëllai i Talo Çelës, kanë shërbyer si prova kryesore që ka sjellë identifikimin e njërit prej autorëve të vrasjes së taksistit në Bradashesh. Bëhet fjalë për një kartëmonedhë, që policia ja ka sekuestruar një punonjësi karburanti, i cili 20 minuta para se të kryhej vrasja e Bujar Çelës, i kishte shërbyer pikërisht automjetit tip Renault, që autorët përdorën në këtë vrasje. Nga pamjet filmike të sekuestruara pranë karburantit, duket qartë që ditën e ngjarjes, mëngjesit e datës 17 shtator, automjeti tip “Renault” është shfaqur në ambientet e një karburanti, dhe pikërisht këtu është furnizuar me naftë.

Vetëm një person dallohet nga kamerat e sigurisë dhe ky është shoferi, ndërsa dy personat e tjerë që ndodhet në mjet, nuk dallohen qartë. Prezenca e këtij mjeti në ambientet e karburantit, sipas burimeve të policisë, është gati 20 minuta para se të ekzekutohej me gati 15 plumba në ambient e një lokali në Bradashesh, taksisti Bujar Çela. Duke marrë shkak, nga prania e këtij automjeti në ambientet e karburantit, policia ka arritur të marrë dhe kartëmonedhën që autorët i dhanë punonjësit të karburantit. Pikërisht, kjo kartëmonedhë më pas i është nënshtruar një ekspertize daktiloskopike, ku është arritur të sigurohet një profil gjurme gishti, që nga krahasimi në sistemin e të dhënave të policisë, ka rezultuar se kjo gjurmë i përket Nuredin Dumanit. Nisur nga kjo situatë, policia dhe prokuroria e Elbasanit kanë shpallur në kërkim Nuredin Dumanin, i cili rezulton të jetë në kërkim qysh prej muajit korrik 2020 për dy ngjarje të tjera kriminale me bilanc 4 viktima të ndodhur në qytetin e Durrësit.

Tashmë kjo është shpallja e dytë në kërkim e Nuredin Dumanit, i cili njihet si person me precedentë penalë. Dumani, ishte shok i ngushtë dhe me Ervis Kallpanin, të riun që u ekzekutua në një fshat të Kavajës, teksa ishte duke shkuar në banesën e tij me një automjet tip “Fiat”. Lidhur me këtë ngjarje, policia dhe prokuroria e Elbasanit janë duke punuar për identifikimin dhe arrestimin e dy personave të tjerë që kanë marrë pjesë në vrasjen e Bujar Çelës. Ekzekutimi i këtij të fundit, është kryer për shkak të larjeve të hesapeve mes bandave kriminale në qytetin e Elbasanit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 13/10/2020 13:09

    Kur do shteti t'u shkoje gjerave deri ne fund ia arrin me te gjitha menyrat.

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58