POP 5

Lajmet më të lexuara të 5 minutave të fundit

Kronikë

Gjykata:4 dënime të përjetshme
Dajtit,nga 1 për çdo polic që vrau

Merr fund odisea gjyqësore në Krimet e Rënda ndaj Dritan Dajtit për vrasjen e 4 policëve në vitin 2009. Katër dënime përjetë, nga një për secilin polic të vrarë, 15 vite burg për plagosjen e një plazhisti gjatë shkëmbimit të zjarrit, ka qenë vendimi i Krimeve të Rënda, pas 276 seancave për Dritan Dajtin. Në një seancë me dyer të mbyllura, Dajti u deklarua i pafajshëm për akuzën e vrasjes së shokut të tij, që mbeti i vrarë gjatë operacionit të 5 viteve më parë për arrestimin nga skuadra speciale e antikrimit të organizuar.VIDEO
Gjykata:4 dënime të përjetshme<br />Dajtit,nga 1 për çdo polic që vrau
TIRANE - Pesë vjet pas vrasjes së 4 efektiëve të skuadrës së operacioneve speciale të policisë gjatë arrestimit të Dritan Dajtit gjykata foli:
 
Janë 4 dënime përjetë për 4 oficerët e vrarë, pafajësi për vrasjen e shokut të tij Ledion Mara, që ndodhej në të njëjtën makinë me Dajtin në 7 gusht kur ndodhi shkëmbimi i zjarrit gjatë arrestimit nga skuadra e operacioneve speciale, dhe 15 vite burg për plagosjen e një pushuesi që ndodhej në vendin dhe në momentin e gabuar në Plazhin e Durrësit.

Vendimi i jep fund 276 seancave dhe ngërçit që krijoi për bllokimin e procesit gjyqësor në Gjykatën e Krimeve të Rënda, për faktin se asnjë avokat kryesisht nga 120 që ka lista nuk guxonte të mbronte Dajtin dhe ky i fundit nuk merrte asnjë avokat tjetër për mbrojtjen e interesave të tij.
 
Senaca për vendimin u krye me dyer të mbyllura sikur janë zhvilluar të gjitha seancat e 2 muajve të fundit.
 
Sokol Koçiu në cilësinë e Drejtorit Ekzekutiv të Byrosë së Mbrojtjes së të Burgosurve ka deklaruar se seance e sotme nuk ishte e ligjshme. Për gjykatën ligji e parashikon vleshmërinë e seancës në kushtet kur i dënuari pyetet dhe pranon vetë të mos flasë.
 
Gjykata vendosi të zhvillonte procesin me dyer të mbyllura pas disa kërcënimeve në sallë të Dajtit ndaj kryetarit të togave të zeza Idriz Mulkurti, si edhe bërjen publike të një fotoje të vajzës së gjyqtarit me një person të deklaruar si kunati i të pandehurit. Në bazë të këtyre Dajti kërkonte përjashtimin e Mulkurtit nga trupi gjykues. 

Dritan Dajti më 7 gusht 2009 ekzekutoi efektivët e policisë, Saimir Duçkollari, Altin Dizdari, Fatos Xhani dhe Kastriot Feskaj në aksionin për arrestimin e tij në Plazhin e Durrësit. Dajti ishte në kërkim pas arratisjes së bujshme nga Gjykata e Faktit në Tiranë, ku rigjykohej për vrasjen e një biznesmeni të ndërtimeve.

Redaksia Online
(Gre.M/Shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01