Gjykata e Tiranës ka caktuar sot arrest me burg për radikalin mysliman Roland Kryemadhi i cili nuk lejontë fëmijën të shkonin në shkollë, ndërkohë që gjatë aksionit për arrestimin ai kundërshtoi dhe kërcënoi policinë me armë.
“Është i bindur në pafajsinë e tij pasi është dhe besimtar, dhe është i bindur se nuk janë kryer ato vepra penale. Gjithashtu është bërë një kontroll i imtësishëm i banesës dhe nuk është gjetur asnjë armë. Është e vërtetë që ka kundërshtuar policinë për tu shoqëruar në gjykatë, pasi ishte në kushte varfërie ekstreme dhe duhej që të punonte.
![](https://shqiptarja.com/template/img/NO_ALFA_Kuadrate shqiptarja.png)
Kjo është dhe arsyeja që nuk ka pranuar që të mbrohet me avokat. Gjithçka është e sajuar për të vendosur masën e sigurisë arrest me burg, por ai realisht nuk është person me rrezikshmëri të lartë ndaj është e rëndësishme që ai të ketë një masë më të lehtë pasi duhet të sigurojë të ardhura për familjen,”- është shprehur avokati i tij.
Ngjarja u regjistrua disa ditë më parë në banesën e 37-vjeçari në rrugën “Hazis Suçi” në Kamzë, në momentin që shërbimet e Komisariatit të Policisë Nr. 5 kishin urdhër për shoqëruar forcërisht Roland Kryemadhin në Gjykatë, pasi ky i fundit nuk paraqitej për çështjen penale që kishte në ngarkim për “keqtrajtim të miturish”.
Para trupit gjykues ai tha se e mbron Allahu ndërsa përsëriti se nuk kishte pasur armë. Përfaqësimi i tij përpara togave të zeza u bë me një avokat të caktuar nga familja e tij i cili u shpreh se akuzat e ngritura ndaj tij nuk qëndrojnë pasi sipas tij klienti i tij nuk është një person me rrezikshmëri të lartë.
Roland Kryemadhi para gjykatës
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Niseni te jetoje ne Afganistan kete talibanin se eshte gabimisht ne kontinentin Europian ky cjapi
Përgjigju