POP 5

Lajmet më të lexuara të 5 minutave të fundit

Kronikë

Gjykata e Lartë ngre alarmin “Sos”/ Viti 2018 mbyllet me 28.863 dosje që presin të shqyrtohen

Gjykata e lartë në vend ngre sinjalin “SOS”. Duke deklaruar nëpërmjet statistikave se ajo është e bllokuar me 28.863 dosje të mbartura pa një vendim nga dhjetor 2018. Në një kohë ku me ligj kjo gjykatë duhet të ketë 19 gjyqtarë ka mbetur vetëm me 4, ndërsa funksionalë janë tre. Xhezair Zaganjori, kreu i kësaj gjykate dhe gjyqtari Edmond Islamaj janë ende nën ethet e Vetting-ut dhe presin që Kolegji i Apelimit të vendosë nëse do jenë apo jo më pjesë e sistemit.

Gjykata e Lartë e cila pas Vetting-ut dhe dorëheqjeve ka mbetur me 4 anëtarë nga 19 që duhet të ketë sipas organizes, është përfundimisht në kolaps edhe me cështjet e prapambetura në pritje për t’u shqyrtuar.

Administrata e kësaj gjykate ka bërë publike këtë të mërkurë shifrat e backlock-ut të cilat tregojnë se viti 2018 është mbyllur me 28863 dosje që flenë në bodrumet e kësaj gjykate.

Sic dhe shihet nga kjo tabelë rezulton se 2018 është viti rekord me dosje të prapambetura dhe të pashqyrtuara me trefishin e atyre që kanë qenë në 2015. 2015 regjistron 13048 dosje për t’u rritur më pas ky stok me 16127 në 2016 dhe me 2200 në 2017.

Tabela e të dhënave statistikore për dosjet që janë stok në Gjykatën e Lartë

Ndërsa viti ku rezulton se Gjykata e Lartë ka qenë më eficente në dhënie vendimesh përsa i përket sasisë është ai 2015 me 7630 dosje të përfunduara me vendim dhe më i ulëti, 2018 me vetëm 1673 dosje të përfunduara.

Me mandate në Gjykatën e Lartë kanë mbetur kreu i saj, Xhezair Zaganjori, Edmond Islamaj, Medi Bici dhe Ardian Dvorani. Ndërsa postulati “Drejtësi e vonuar, drejtësi e mohuar”, pritet të bëhet më i prekshëm në këtë Gjykatë në një kohë që gjyqtari Medi Bici është larguar duke u bërë pjesë e KLGJ-së, që kur kaloi Vettingun.

Në pritje të vendimit final për Vetting-un nga Kolegji i Posacëm i Apelimit janë kreu i Gjykatës së Lartë, Xhezair Zaganjori dhe gjyqtari Edmond Islamaj. Në rast të shkarkimit të tyre, Gjykata e Lartë mbetet vetëm me një gjyqtar dhe ai është Ardian Dvorani që njëherazi është zgjedhur edhe Kreu i Këshillit të Emërimeve në Drejtësi.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51