Gjykata e Lartë refuzon lirimin nga burgu të ish-shefit të policisë në Lezhë! U arrestua se u jepte informacione grupeve kriminale

Gjykata e Lartë refuzon lirimin nga burgu të ish-shefit të policisë në Lezhë! U arrestua se u jepte informacione grupeve kriminale

Ish drejtuesi i policisë Leonard Palushi

Gjykata e Lartë refuzon lirimin nga burgu për ish shefin e policisë Lezhë, Leonard Palushi. Ai është arrestuar me kërkesë të SPAK në kuadër të operacionit ‘Plumbi i Artë’. Palushi dyshohet se ka kryer manipulim provash në disa ngjarje kriminale teksa ka shërbyer si efektiv në Elbasan.

I pandehuri kërkon “arrest shtëpie” duke parashtruar si argument arsyet familjare si dhe faktin se për 4 muaj Prokuroria sipas mbrojtjes kishte kohë të mjaftueshme të mblidhte prova që ta dërgonte çështjen për gjykim.

Leonard Palushi akuzohet nga SPAK për orientim të gabuar të hetimit duke shpërdoruar detyrën për vrasjen e Emiljano Ramazanit. Ai u arrestua në kuadër operacionit "Golden Bullet".

Sipas burimeve, Palushi shiste informacion te grupet kriminale dhe dekonspironte aksionet. Ai është një personazh i njohur për mediat, pasi ka parë me sy vrasjen e nënkomisarit Saimir Hoxha nga 21 vjeçari Aldi Rama.

Në dosjen e siguruar nga Shqiptarja.com dhe Report Tv thuhet se Palushi i porositur nga Erion Alibej financuesi i vrasjes së Emiljano Ramazanit, ka bërë gjithçka për të prishur hetimet, ndërkohë që si alibi kishte edhe faktin se nuk ishte në punë.

Në vitin 2020 Leonard Palushi ka qenë efektiv i Drejtorisë së Policisë së Qarkut Elbasan ku ka ushtruar detyrën e Shefit të Sektorit për Hetimin e Krimeve. Në dosje theksohet se me kërkesë të Palushit është ndërruar leja vjetore e tij, nga data 16-31 korrik 2020 kur ishte planifikuar në 1-15 gusht 2020.

Ndërkohë që vrasja me armë e Emiljano Ramazanit ndodhi në datë 20 korrik 2020. Financues i kësaj vrasje ishte  Erion Alibej, organizator Nuredin Dumani, ekzekutor Skerdi Tasi dhe ndihmës për ekzekutimin kanë qenë Henrik Hoxhaj, Xhuljano Hoxha dhe Euglen Halili.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se do zbulohet pronari i 400 mijë € të vjedhura nga pastruesja?



×

Lajmi i fundit

Ukraina ende në luftë, por solidarizohet me Turqinë! Zelensky- Erdogan: Jemi gati t’ju ndihmojmë

Ukraina ende në luftë, por solidarizohet me Turqinë! Zelensky- Erdogan: Jemi gati t’ju ndihmojmë