Drejtësia e re, Gjykata e Lartë zbardh emrat e dy gjyqtarëve që kandidojnë për KLGJ

Gjykata e Lartë zbardh emrat e dy gjyqtarëve nga Gjykatat e Apelit në rrethe që kandidojnë për Këshillin e Lartë Gjyqësor. Ata janë Brikena Ukperaj nga Gjykata e Apelit Vlorë dhe Luan Dervishi nga Gjykata e Apelit Shkodër. Brikena Ukperaj ka përfunduar fakultetin e Drejtësisë në vitin 2004 dhe Shkollën e Magjistraturës në vitin 2006. Prej vitit 2016 është gjyqtare në Gjykatën e Apelit Vlorë, ndërsa pak kohë më parë kaloi edhe procesin e Vettingut.

Ndërsa kandidati i dytë është Luan Dervishi. Ai ka përfunduar fakultetin e Drejtësisë në vitin 1985 dhe prej vitit 2007 është gjyqtar në Gjykatën e Apelit Shkodër. Pas dorëzimit të kandidaturave, Gjykata e Lartë do të vijojë me procedurën për verifikimin e plotësimit të kushteve nga kandidatët dhe më pas kjo gjykatë do të shpallë zyrtarisht kandidaturat. Ukperaj dhe Dervishi do të garojnë mes tyre për të zëvendësuar Besim Trezhnjevën ish gjyqtarin e apelit Durrës që ishte pjesë e KLGJ-s dhe u shkarkua nga vettingu.

Në bazë të parashikimeve ligjore, Këshilli i Lartë Gjyqësor është organ kolegjial i përbërë nga 11 (njëmbëdhjetë) anëtarë, nga të cilët 6 janë gjyqtarë nga të gjitha nivelet e pushtetit gjyqësor, ku 1 është anëtar nga Gjykata e Lartë, 2 nga Gjykatat e Apelit; dhe 3 nga Gjykatat e Rretheve Gjyqësore.

LEXO EDHE:
Dita e Drejtësisë, Sokol Sadushi: Dosjet stivë, rrezikohet kolapsi! Nuk kemi ambiente e gjyqtarë! S'duam lëmoshë, të plotësohen detyrimet për gjyqësorin

TAG:
• gjykata e larte
• Brikena Ukperaj
• Luan Dervishi
• Këshilli i Lartë Gjyqësor

Sondazhi i ditës:

Si i vlerësoni mesazhet që dha Rama në takimin me diasporën në Athinë?

• Të drejta

  84.9%

• Të gabuara

  10.4%

• Nuk e di

  4.7%

Vota total: 2633

• Sondazhi i ditës:

  Si i vlerësoni mesazhet që dha Rama në takimin me diasporën në Athinë?

  Të drejta Të gabuara Nuk e di