POP 5

Lajmet më të lexuara të 5 minutave të fundit

Politikë

Pas herësit, Gjykata Kushtetuese rrëzon një tjetër nen në Kodin Zgjedhor, shfuqizohet pragu 1% i votave në rang kombëtar për kandidatët e pavarur

Gjykata Kushtetuese ka rrëzuar Kodin Zgjedhor duke shfuqizuar pragun 1% për kandidatët e pavarur. Gjykata Kushtetuese ka pranuar pjesërisht kërkesën e kandidatit të pavarur, Elton Debreshi.

TIRANË- Pas rrëzimit për herësin, Gjykata Kushtetuese ka rrëzuar për herë të dytë Kodin Zgjedhor. Këtë herë Kushtetuesja ka shfuqizuar pragun 1% për kandidatët e pavarur.

Gjykata Kushtetuese i ka dhënë pjesërisht të drejtë kandidatit të pavarur për deputet në qarkun e Dibrës, Elton Debreshit, i cili ishte propozuar si kandidat nga zgjedhësit. Kushtetuesja kërkon shfuqizimin e fjalisë së dytë të pikës 1 të nenit 162, e cila thotë se për zgjedhjet për Kuvendin përjashtohen nga shpërndarja e mandateve subjektet zgjedhore që kanë marrë më pak se 1% të votave të vlefshme në shkallë vendi.

Sipas arsyetimit në vendimin e Gjykatës Kushtetuese shfuqizimi bëhet pasi kjo fjali është e papajtueshëm me Kushtetutën, në pjesën që barazon kandidatët e propozuar nga zgjedhësit me kandidatët e propozuar nga partitë politike, ose nga koalicion partish politike.

Kandidati i pavarur, Elton Debreshi, i cili në zgjedhjet e 25 prillit mori 580 vota, dorëzoi një padi në Kushtetuese kundër pragut 1% për t’u zgjedhur deputet i Kuvendit të Shqipërisë, ku theksonte se pragu është është diskriminues për kandidatët e pavarur, pasi iu kërkohet më shumë vota sesa partive politike. 

‘Gjykata Kushtetuese e Republikës së Shqipërisë në seancën plenare publike të datës 28.09.2021 mori në shqyrtim çështjen me kërkues: Elton Debreshi, subjekt zgjedhor kandidat i propozuar nga zgjedhësit, me objekt: - Shfuqizimi i pikës 1 të nenit 162 të ligjit nr. 10019, datë 29.12.2008 “Kodi Zgjedhor i Republikës së Shqipërisë”, të ndryshuar, si e papajtueshme me Kushtetutën e Republikën e Shqipërisë. Në përfundim të shqyrtimit të kësaj çështjeje, Gjykata Kushtetuese arriti në përfundimin se pjesa e fjalisë së dytë, të pikës 1, të nenit 162 të Kodit Zgjedhor, që vendos për kandidatët e propozuar nga zgjedhësit kufizim të njëjtë me atë të kandidatëve të propozuar nga partitë politike, ose nga koalicion partish politike cenon të drejtën kushtetuese për t’u zgjedhur, në lidhje me parimin e barazisë në ligj dhe ndalimit të diskriminimit.
Për këto arsye Gjykata Kushtetuese,

VENDOSI: - Pranimin pjesërisht të kërkesës. - Shfuqizimin, si të papajtueshëm me Kushtetutën, të fjalisë së dytë, të pikës 1, të nenit 162 të Kodit Zgjedhor të ndryshuar, në pjesën që barazon kandidatët e propozuar nga zgjedhësit me kandidatët e propozuar nga partitë politike, ose nga koalicion partish politike. Vendimi përfundimtar i arsyetuar do të shpallet brenda afateve të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar.’- njofton Gjykata Kushtetuese.

Pika 1 e Kodit Zgjedhor, neni 162, shfuqizohet fjalia 2

Më herët më 30 qershor, Gjykata Kushtetues pranoi edhe kërkesën e Bindjes Demokratike të Astrit Patozit për shfuqizuar nenin që i shpërndan mandatet e deputetëve sipas herësit. Kërkesa për shfuqizimin e pikës 3 të nenit 163 të Kodit Zgjedhor është pranuar pjesërisht si e papajtueshme me Kushtetutën. Me këtë vendim pritet që në zgjedhjet e ardhshme të kemi proces zgjedhor me lista 100% të hapura. Kryetarët e partive nuk do të vendosin më pjesën më të madhe të deputetëve. Me shfuqizimin e neni nga Kodi zgjedhor, në të ardhmen, deputeti që fiton numër më të madh votash futet në parlament pavarësisht renditjes.

Gjykata Kushtetuese shqyrtoi më 9 qershor 2021 kërkesën e Bindjes Demokratike dhe Lëvizjes Demokratike Shqiptare e Myslim Murrizit në lidhje me shpërndarjen e mandateve. Kërkesat e dy partive e dorëzuar më 29 dhjetor 2020 argumentohej  se antikushtetueshmëria e të ashtuquajtuarit herës në shpërndarjen e mandateve është një element që cenon barazinë e votës dhe që praktikisht bie ndesh me parimin e listës së hapur të sanksionuar në kushtetutë.

 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 05/10/2021 23:43

    Vendim interesant,te shohim ne se Berisha mund t'a perdore ne zgjedhjet e ardhshme te kuvendit, me qe ka mbetur pa parti.

    Përgjigju
  • Bravo: 05/10/2021 12:07

    Shum lajm i mirë për njerez shume të pergatitur qe kane mbaruar në shqiperi apo jashtë për të pasur një mundesi për tu votuar pa jau futur shteti që në fillim! Bravo gjykata ! Duhet edhe numerues të jenë 30% nga partitë dhe 70% pavaruar Nga alademiket mesues , inxhinier Etj ! Pra mos kete hile në numerim!

    Përgjigju
  • Pano: 05/10/2021 07:58

    Nje tjeter vendim i mire i gjykates. I fusni nje shkelm bytheve dhe presidentit tani dhe ta mbyllim vitin mire.

    Përgjigju
  • Vladimir: 05/10/2021 07:35

    Vendim formal dhe idiot, pa shikuar pasojat. Me kete vendim, nje "i forte" qe nuk e njeh kerkush, boll te bleje votat e nje zone, dhe del deputet. Provo ti vesh perballe nje intelektual si Pjeter Arbnori apo nje zonje, ketij horri. Turp per keta gjyqtare pa tru e pa llogjike.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu