Gjykata Kushtetuese: Të hetohet në kohë për rastin e Klodiana Lalës, autorët para drejtësisë!

Reagimeve të politikës, institucioneve të drejtësisë, shoqërisë cilvile dhe shoqatave të gazetarëve si në Shqipëri dhe jashtë saj i është bashkuar sot në mbrojtje të gazetares Klodiana Lala edhe Gjykata Kushtetuese.

Përmes një njoftimi të shpërndarë për mediat, Gjykata Kushtetuese e Shqipërisë dënon me forcë sulmin me armë kundër familjes së gazetares Klodiana Lala. Duke mbështetur gazetaren Klodiana Lala dhe median e pavarur në misionin e saj, në të njëjtën kohë, Gjykata Kushtetuese inkurajon organet e hetimit të bëjnë të mundur zbulimin dhe ndëshkimin në një kohë sa më të shpejtë të autorëve të kësaj ngjarjeje të shëmtuar kriminale.

Ngjarja ndodhi në orët e para të ditës së djeshme, ndërsa mendohet se një person i vetëm ka qëlluar me kallashnikov mbi banesën e prindërve të gazetares Lala, duke lëshuar rreth 10 plumba, në muret, dyert e dritaret e banesës. Fërshëllimi i plumbave, ka terrorizuar të gjithë anëtarët që ndodheshin në banesë. Fatmirësisht breshëria e automatikut nuk ka sjellë asnjë dëm në njerëz, vetëm dëme materiale. Besohet se autori i krimit është larguar me automjet nga vendi i ngjarjes për të mos u identifikuar ende dhe sot. Pak ditë më parë gazetarja Lala ka botuar në një kronikë televizive një bisedë të përgjuar mes deputetit të PS Jurgys Çyrbja me një person me precedentë penalë.

LEXO EDHE:
Ligji në Kushtetuese, profesionistët e lirë kundër tatimit: Ka fuqi prapavepruese, do shtojë evazionin dhe bizneset po mbyllen! Opozita: Goditet shtresa e mesme

TAG:
• gjykata kushtetuese
• Klodiana Lala
• sulmi mbi banesen e gazetares

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.9%

• Keq

  61%

• Nuk e di

  14.1%

Vota total: 1645

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di