Në një intervistë për Report Tv në emisionin ‘Sot, live në Shqipëri’ me gazetarin Nertil Agalliu, aktivistja e PSD-së, Donjeta Demolli, ka folur rreth protestës së ndodhur në Prishtinë dhe arrestimit të kreut të PSD-së, Dardan Molliqaj.
Ajo tha se protesta e djeshme ishte në kundërshtim të Kryetares së Gjykatës Speciale në Kosovë, Ekaterina Trendafilova, pasi kishte tentuar që të përmirësojë imazhin e Gjykatë Speciale, e cila po gjykon krerët e ushtrisë Çlirimtare të Kosovës.
Ajo tha se arsyeja tjetër ishte edhe refuzimi i kërkesës së pjesëmarrjes së tyre në takim, për arsye se Gjykata nuk u kidhte dhënë atyre të drejtëm për të dhënë perspektivën e tyre ndaj kësaj çështjeje.
"Protesta e djeshme ishte në kundërshtim të zonjës Ekaterina, e cila është Kryetare e Gjykatës Speciale, dhe ishte këtu për të tentuar që të përmirësojë imazhin e kësaj Gjykatë Speciale të padrejtë e cila po gjykon krerët e ushtrisë Çlirimtare të Kosovës. Ajo është tashmë në një krizë të thellë të legjitimitetit në popullin e Kosovës, ku kjo krizë ka eksizuar që nga krijimi i saj, mirëpo tashmë është duke u krijuar për shkak të sjelljeve dhe veprimeve nga ana e Gjykatës. Sot teksa ne flasim, i ka izoluar totalisht krerët e Ushtrisë Çlirimtare të Kosovës dhe dhe ka pasur shkelje të ndryshme të të drejtave të njeriut dhe kjo për ne është e papranueshme dhe e patolerueshme. Kjo ishte arsyeja e protestës pse ne e ndaluam vizitën e saj, e cila ka synim që ta legjitimojë këtë Gjykatë në popull, e cila është duke bërë një padrejtësi të thellë ndaj UÇK-së dhe ndaj atyre që po mbahen në burg atje. Mirëpo prezenca jonë nuk është bërë e mundur nga ana e Gjykatës, pra kërkesa jonë është refuzuar, prandaj deklarata e saj ishte e pasaktë. Dhe për këtë arsye ne jemi detyruar të organizojmë protestën që në në një mënyrë a tjetër të deklarohet edhe perspektiva tjetër dhe mos ta lëmë diskusin që ajo po tenton ta prodhojë rreth Gjykatës të kalojë pa e dhënë edhe ne perspektivën tonë", tha Demolli.
Përsa i përket pjesës së takimit të saj me Kryetaren e Gjykatës Speciale në Kosovë, ajo tha se kjo ishte një gënjeshtër, dërsa për mungesën e anëtarëve të PDK-së, parti e themeluar nga Hashim Thaçi, u shpreh se ata janë distancuar nga lufta çlirimtare dhe nga përfaqësuesit e kësat të fundit të cilët e themeluan këtë parti.
"Pasi ka marrë lidershipin e ri, PDK-ja është distancuar nga lufta çlirimtare dhe nga përfaqësuesit e kësat të fundit të cilët e themeluan këtë parti. U distancua në mënyrë që të ofrojë një vizion të ri të PDK-së, i cili është brenda diskusit dhe pushtetit të Kurtit, i cili po tenton të njollosë gjithçka që ka ndodhur para 14 shkurtit. Në këtë kurth kanë rënë si PDK, po ashtu edhe LDK, dhe ky është dështimi i rradhës i këtyre partive parlamentare që të kundërshtojnë problematikat në Kosovë. Për ne kjo nuk përbën pengesë që ne të mbrojmë kauzat e drejta siç është mbrojtja e idealeve dhe luftës çlirimtare të Kosovës", tha Demolli.
Ndërsa për arrestimin e kreut të PSD-së, Dardan Molliqaj, ajo tha se ai së bashku me 6 aktivistë të tjerë do të mbahen për 48 orë nga Policia e Kosovës, dhe se aktivistja së basshku me të tjerët kanë kërkuar lirimin e tyre.
"Ne do vazhdojmë të kundërshtojmë vendimet e padrejta të Gjykatës Speciale dhe propagandën e Kryetares së Gjykatës Speciale dhe do të vazhdojmë me aksionet që kërkojnë demokraci dhe barazi në vend. Përsa i përket Dardanit dhe 6 aktivistëve tanë, ata do të mbahen për 48 orë, e cila është masa aktuale, dhe ne po kërkojmë lirimin e tyre sepse edhe dhuna e djeshme nga ana e policisë ishte totalisht e papranueshme sepse protesta jonë ishte simbolike dhe paqësore. Ata po mbahen në paraburgim pa asnjë bazë ligjore”, tha Demolli.
Lajme të tjera
-
'Kurti po sfidon flamurin e shtetit me atë të kombëtar!' Deputeti i PDK-së: Bashkë me Osmanin pjesë e një agjende të dëmshme!
29 Nëntor, 14:27 -
Gjykata e Hagës urdhëron ish pjesëtarin e UÇK-së t’u paguajë 208 mijë euro viktimave të tij
29 Nëntor, 12:51 -
Sot një vit nga vrasja e Liridona Ademajt! Çfarë dihet për krimin makabër, autorët ende pa aktakuzë
29 Nëntor, 12:41 -
Kosovë/ Sulmohet me granatë dore ndërtesa e Komunës së Zveçanit, dëmtohen dhe 4 makina! Tre ditë më parë u sulmua stacioni policor
29 Nëntor, 08:51 -
Kurti lavdëron jetëgjatësinë e qeverisë së tij, por kritikët vënë në dyshim rezultatet
29 Nëntor, 08:23
-
Linja e mendimit e disa 'intelektualëve' italianë që ndërhyrjen e Nato-s në Kosovë vazhdojnë ta trajtojnë si agresion ndaj Serbisë!
28 Nëntor, 15:15
-
'Kosova është Serbi', autorët e mbishkrimit, pjesëtarë të ushtrisë në Mal të Zi
28 Nëntor, 13:06 -
Nipi i Adem Jasharit: Përfaqësuesja jonë, zgjedhja ime e vetme
28 Nëntor, 12:47 -
Kosovë/ Mësuesi akuzohet se hodhi në mbeturina flamurin kombëtar, përjashtoi nga ora nxënësen që mbante plis
28 Nëntor, 09:13
-
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07
