Kreu i PUK në Repolitix: Gjykata e Durrësit gaboi rëndë, 13 tetori ka rënë që sot (VIDEO)

Kreu i PUK Idajet Beqiri deklaroi në studion e Repolitix se 13 tetori ka rënë që sot pasi jemi jashtë çdo afati për regjistrimin e kandidatëve në zgjedhje.

"13 tetori është lojë. Edhe të duash ta pranosh, nuk ke kohë të bësh asnjë lloj regjistrimi. Koha iku. Edhe mundësi kohore nuk ka më. 13 tetori ka rënë që sot. Opozita duhet të bëhet serioze. Koha po ecën por opozita ka mbetur mbrapa", tha Beqiri.

Kreu i PDK Nard Ndoka deklaroi në studion e Repolitix se vendimi Gjykatës së Durrësit tregoi se kemi akoma gjyqtar me integritet

"Gjykata kushtetuese është domosdoshmëri. Taulant Balla e sulmoi asaj. Ai duhet të thoshte se vendimi do apelohet. Por ne jemi politikanë primitivë për fat të keq duke nisur që nga Rama edhe pasuesi i tij do bëjë të njëjtën gjë. Vendimi i Gjykatës së Durrësit na tregoi se ka akoma gjyqtar me integritet. Ne akoma nuk kemi një vendim zyrtar të KQZ", tha Ndoka.

Kreu i Partisë Uniteti Kombëtar Idajet Beqiri e quajti të gabuar vendimin e Gjykatës së Durrësit për të kthyer mbrapsht kërkesën e Valbona Sakos për të vërtetuar mandatin si kryebashkiake e Durrësit. Beqiri tha se Gjykata nuk ka të drejtë të hedhë poshtë vendimin e KQZ.

"Gjykata e Durrësit ka marrë një barrë që nuk i takon. Ka bërë një gabim të rëndë. Gjykata ka për detyrë vetëm të vërtetojë mandatin. E ka specifike çfarë vërtetimi kërkohet. Kushtetuta thotë se vërtetimi bëhet për moshë, veprat penale dhe pastërtinë e figurës dhe jo të thotë se vendimi i KQZ është i pavlefshëm. Si mund të fusësh si palë Bindjen Demokratike, kur kërkuesi është vetëm Valbona Sako", tha Beqiri.