POP 5

Lajmet më të lexuara të 5 minutave të fundit

Kronikë

Ikën Detar Hysi, rokadë avokatësh në GJKKO për Laert Haxhiun! Caktohen dy të tjerë, shtyhet seanca

Gjykata e Posaçme cakton 2 avokatë të tjerë kryesisht për Laert Haxhiun, teksa u revokua avokatja e caktuar më herët nga shteti Pranvera Doçi. Avokatët e shtetit do të jenë Artan Simoni dhe Edvis Gorishti. Ndërkohë Pranvera Doçi tha se për shkak të një fatkeqësie familjare, nuk mund ta ndiqte procesin si dhe për shkak të dosjes voluminoze

Procesi ndaj Laert Haxhiut në Gjykatën e Posaçme në Tiranë, po kalon në një rokadë avokatësh, pas dorëheqjes së mbrojtësit të tij ligjor Detar Hysi ndërkohë që i pandehuri ndodhet i arrestuar në Greqi. Në seancën e të enjtes, Gjykata e Posaçme caktoi 2 avokatë të tjerë kryesisht për Laert Haxhiun, dhe vendosi revokimin e avokates Pranvera Doçi të caktuar më herët nga shteti.

Avokatët e caktuar nga shteti do të jenë Artan Simoni dhe Edvis Gorishti, ndërkohë që mbrojtësja e caktuar më parë, Pranvera Doçi tha se për shkak të një fatkeqësie familjare, nuk mund ta ndiqte procesin pasi edhe dosja është voluminoze.

Ndërkohë, avokati Detar Hysit i cili ka mbrojtur deri tani rivalin e Aldo Bares, me prokurë të posaçme nga familjarë, është penalizuar pasi dorëheqja e tij nuk po i pranohet. Mosparaqitja e tij këtë të mërkurë në seancë, u shoqërua me ndëshkimin administrativ prej 5 mijë lekësh të rinj.

Në këtë proces në GJKKO, Haxhiu akuzohet për vrasjen e mbetur në tentativë të Xhulio Shkurtit, dhe vrasjen e Zamir Latifit dhe Jurgen Hoxhës, në masakrën e Lushnjes në nëntor 2017 si dhe ekzekutimin e mbetur në tentativë të shtetasve Marius Xhepexhiu dhe Bujar Turku”. Gjyqi u shty për datën 17 nëntor në orën 11:00 ndërsa ka mbetur për tu pyetur edhe një dëshmitar nga prokuroria dhe më pas do jetë radha e dëshmitarëve të mbrojtjes.

Laert Haxhiu ndodhet i arrestuar në Greqi pasi u kap disa muaj më parë në Janinë ndërkohë që po hetohet edhe në një dosje të re nga SPAK, pas dëshmisë së Artan Tafanit, i cili zbardhi 6 vrasje, pesë atentate me eksploziv dhe 16 vepra penale në total.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Romë/ Po shisnin kokainë në festën tradicionale të zonës, arrestohen 2 adoleshentët shqiptarë! Për njërin urdhërohet dhe dëbimi nga Italia

Romë/ Po shisnin kokainë në festën tradicionale të zonës, arrestohen 2 adoleshentët shqiptarë! Për njërin urdhërohet dhe dëbimi nga Italia

22 Janar, 17:42