Pendohet anëtari i bandës së Laert Haxhisë, zbardh 6 vrasje të bujshme! Nga pengmarrja te eliminimi i anëtarëve të grupit të Aldo Bares, të gjitha ekzekutimet (Emrat)

Lulzim Qorri

Artan Tafani, i penduari i drejtësisë ka zbardhur vrasjen e Lulzim Qorrit, 12 Dhjetor 2018 në Athinë.

Zbardhet vrasja eLulzim Qorri, 12 Dhjetor 2018
Lulzim Qorri, 44 vjeç, u ekzekutua në Athinë në një atentat mafioz në 12 Dhjetor të vitit 2018. Policia greke njoftoi asokohe se viktima ishte duke pirë kafe në një lokal shumë afër sheshit qendror “Omonia”. Pak para orës 23:00 dy persona ndaluan me një motoçikletë përpara kafesë ku mblidheshin shqiptarët dhe në atë orë ishte plot pasi po ndiqnin një ndeshje futbolli. Njëri nga ekzekutorët zbriti, shkoi pranë Qorrit dhe e qëlloi atë nga një distancë e afërt. 44-vjeçari humbi jetën si pasojë e 3 plumbave në kokë. Qorri ishte arrestuar në Shqipëri në vitin 2016 si pjesë e një bande të trafikut të drogës në Ballkan, ku në pranga ranë disa biznesmenë ndërtim

Report TV mëson detaje të reja lidhur me operacionin që vijon në disa qytete. Mësohet se janë 16 urdhërarreste dhe deri tani janë ndaluar 10 persona, dy prej te cilëve në Greqi. Një pjesë janë të tashmë në burg për krime të tjera, njëri ndër ta është Laert Haxhiu. Ndërsa dy prej personave të shpallur në kërkim rezultojnë se ndodhen jashtë territorit shqiptar dhe pritet të shpallen në kërkim ndërkombëtar sipas procedurave.

Në orën 10:00 në Drejtorinë e Përgjithshme të Policisë së Shtetit do të ketë një konferencë të përbashkët për shtyp mes Policisë dhe Prokorurisë së Elbasanit, në lidhje me një megaoperacion.

Dikens Halili

I penduari drejtësisë Artan Tafani ka zbardhur vrasjen e Dikens Halilit, më 4 tetor 2021 në qendër të Athinës.

Zbardhet vrasja e Dikens Halilit
39-vjeçari shqiptar Dikens Halili u qëllua nga një burrë i maskuar dhe me kapele, i cili iu afrua pronarit në këmbë që ishte jashtë kafenesë dhe po bisedonte me klientët. Autori pasi qëlloi mbi shqiptarin, u largua me një makinë. Viktima, Dikens Flamur Halili (Keli), nga Tepelena, dyshohet se ishte pronar i kafenesë dhe atentati ndodhi jashtë biznesit të tij. 39-vjeçari, madje në lokalin e tij ftonte edhe këngëtarë të njohur shqiptar, me të cilët thuhet se kishte edhe miqësi për shkak edhe të punës që bënte. Sipas mediave greke, shqiptari është një emër i njohur për autoritetet greke pasi ishte me precedent të mëparshëm penal dhe dyshohet se vrasja ka ndodhur për larje hesapesh.

Fridman Xhaferraj

Artan Tafani ka zbardhur vrasjen e Fridman Xhaferrajt në qershor të vitit 2021.

Zbardhet vrasja e Fridman Xhaferrajt
Trupi i Fridman Xhaferrajt u gjet në ujërat e Rezervuarit të Gjançit në Korçë dhe dihte me duar të lidhura. Në bazë të informacioneve ai njihej si person problematik nga policia e Fierit dhe Lushnjës, si dhe përdorues i lëndëve narkotike. Fridman Xhaferraj, nuk ishte emër i panjohur për drejtësinë shqiptare. Një vit më parë bashkë me vëllanë e tij kanë kundërshtuar me dhunë patrullën e forcave Shqiponja në qytetin e Vlorës. Nga kjo ngjarje, vëllai i tij ka përfunduar në burg, ndërsa Fridmani ka jetuar me Pluk të Lushnjes gjatë kësaj kohe.

Çajup Selimi

I penduari drejtësisë Artan Tafani ka zbardhur vrasjen e biznesmenit Çajup Selimi në qershor të 2021 në Tepelenë, në derë të shtëpisë.

Zbardhet vrasja e Çajup Selimit në Tepelenë në qershor 2021
Biznesmeni Çajup Selimi u vra në derë të shtëpisë në Tepelenë në lagjen ‘15 shtatori’.  Si ndodhi vrasja e biznesmenit? Report Tv ka zbardhur dinamikën e ngjarjes, ku Çajup Selimi, i cili ndodhej në banesën e tij në një pallat në lagjen "15 shtatori" në Tepelenë është thirrur nga një person në katin e parë për të zbritur poshtë. Në këtë moment 52-vjeçari ka dalë nga banesë për të shkuar poshtë, por një person tjetër po e priste me armë në katin e dytë, duke e qëlluar 2 herë me pistoletë, ku një prej plumbave e ka kapur në zemër duke rezultuar fatal për të. Më pas autorët janë larguar nga vendi i ngjarjes. Selimi rezulton pronar i një biznesi në qytet, ndërsa më parë ka qenë i përfshirë edhe në disa konflikte për çështje konkurrence. 

Laert Haxhia

Autori i grabitjes së 30 mijë eurove në Astir, Artan Tafani ka rënë në pranga, ndërsa ai është bërë i penduar i drejtësisë dhe ka zbardhur 6 vrasje. Burime për Report Tv bëjnë me dije se janë lëshuar 15 urdhër-arreste dhe deri më tani janë ekzekutuar 5 prej tyre. Mes të arrestuarve është edhe 27-vjeçarja Klea Gjata,  nga Lushnja, shoqe e Laert Haxhisë.

Artan Tafani pjesëtar i bandës së Laert Haxhisë është bërë bashkëpunëtor i drejtësisë dhe ka zbardhur disa ngjarje kriminale, përfshirë edhe 6 vrasje. 

Zbardhet vrasja e Alban Semakut në Peqin, 17 Tetor 2021
Alban Semaku, i njohur edhe si “kinezi”, u gjet i vrarë me armë më 17 Tetor 2021 pranë Lumit Shkumbin në Peqin (Qarku Elbasan). Ai përdorte edhe emrin Elton Mermali. 38-vjeçari ka qenë anëtar i bandës famëkeqe të Lushnjes të Aldo Bares dhe kishte një të shkuar të pasur kriminale. 

Alban Semaku, u ekzekutua me 4 plumba nga pas, tre i ka në shpinë dhe një në kokë. Semaku u rrëmbye në qytetin e Lushnjes ku kishte vetëm 5 muaj që ishte liruar nga burgu dhe më pas është ekzekutuar në Peqin pranë lumit të Shkumbinit ku u gjet dhe trupi i pajetë. Emri i Semakut lidhet me një sërë ngjarjesh kriminale, ku rezulton i dënuar më parë për vrasje, kanosje e trafik droge. Dyshimet paraprake të vrasjes së tij janë për larje hesapesh. Deri në vitin 2011 ai mbante emrin Elton Mermali, i njohur me pseudonimi 'kinezi'. Ai ishte pjesë e bandës e Lushnjes, e kryesuar nga Aldo Bare, është një ndër bandat më famëkeqe të 1997.