Balla - Berishajve: Po ju vjen dita e gjykimit, pse s'shkoni në SHBA? Shkëlzeni: Udhëtove me trafikantë

Në Gjykatën e Tiranës u zhvillua seanca e radhës për shqyrtimin e padisë së ngritur nga Shkëlzen Berisha, ndaj Taulant Ballës, në lidhje me deklarimet e këtij të fundit se Berisha nuk ka paguar taksat. Gjatë ditës së sotme, u bënë parashtrimet e të dyja palëve, ku mbrojtja e Berishës pretendoi se deklarimet e Ballës, janë shpifje dhe me qëllim prishjen e imazhit të tij. Ndërkohë, Balla pretendoi se deklarimet e tij lidhen me dyshimet e krijuara pas hetimit të kryer nga Komisioni hetimor, në cilësinë e drejtuesit të këtij komisioni. Por, Balla vazhdoi me tej, duke thënë se i qëndronte këtyre deklarimeve.

Kryetari i grupit të PS-së, Taulant Balla i ka bërë thirrje Prokurorisë së Tiranës që të mos pushojë hetimet për Sali Berishën, djalin e tij dhe Ndue Kalaj për privatizimin e OSSHE te CEZ-i.

"Unë i qëndroj akuzës së bërë, se qytetarët shqiptarë kanë humbur 419 mln euro nga privatizimi i OSSHE te CEZ. I bëj thirrje prokurorisë së Tiranës që mos përdorë makinacione për ta pushuar çështjen në ngarkim të Sali Berishës, Nuel Kalajt, Shkëlzen Berishës. Prokuroria të vijojë hetimet dhe me shpresën e gjithë shqiptarëve që SPAK ngrihet së shpejti le të jetë kjo një prej dosjeve që ti vihet në dispozicion SPAK. Për fat të keq, dita e gjykimit për ata po afron dhe ajo ditë nuk ndalet" tha Balla.

LEXO EDHE:
Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

Ndërkohë që djali i ish-kryeministrit Berisha, Shkëlzen Berisha u shpreh se Balla nuk ka asnjë provë për akuzat, ndërsa shtoi se prokuroria është nën presionin politik të shumicës.

'Nuk dha asnjë provë të vetme për të vërtetuar shpifjen për evazion fiskal. U përpoq për të rikthyer vëmendjen te komisioni parlamentar që udhëhiqte. Në atë periudhë më akuzonte për udhëtime apo persona që kisha lidhje. Por në atë kohë ai udhëtonte me një trafikant droge nëpër destinacione turistike në Europë, Edmond Bego. Ky jo vetëm ka marrë pjesë në mënyrë të jashtëligjshme në tendera, por ka fituar edhe 16 mln euro. I dyshuari për sponsorizim për këto udhëtime ka fituar 16 mln euro nga entet shtetërore duke mos pasur të drejtë që të marrë pjesë në tendera. I akuzuari duhet të shpjegojë si ka mundësi që paratë e shqiptarëve i jepen këtij personi. Prokuroria është në presionin politik të shumicës dhe pse nuk paguan detyrimin për shpifjen. Beteja vijon, shpresoj në vendosjen e të drejtës në vend dhe dënimin e zotit Balla" tha Berisha.

Por, pas deklaratës së djalit të ish-kryeministrit, Balla ka reaguar sërish duke replikuar në rrjetet sociale. "Shkelzen! Ti ke të drejtë që vazhdon leh, përderisa akoma drejtësia është mes dritës dhe errësirës dhe errësirën e kontrollon ti me tët atë! Por meqë sot dole nga strofkulla a nuk na thua, kur do shkosh në Amerikë?! Ose më saktë, pse gojet e liga thonë se nuk të japin më biletë për Amerikë as ty dhe as motrës tende, se kunatit jo e jo?!" shkruan Balla.

TAG:
• sali berisha
• taulant balla
• shkelzen berisha
• Ceshtja CEZ
• edmond bego

Sondazhi i ditës:

Si ka qenë për ju viti 2024?

• I mirë

  44%

• I keq

  22.7%

• As i mirë as i keq

  33.3%

Vota total: 1485

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq