Për të kontrolluar dhe monitoruar këtë faktor risku në shkurtimin e jetës, shefi i sëmundjeve kronike në Institutin e Shëndetit Publik, Alban Ylli, shpjegoi edhe mënyrën se si do të rritet kontrolli në cilësinë e ushqimeve dhe në edukimin e popullatës.
“Kontrolli i reklamave për ushqyerjen e pashëndetshme, ndërhyrja te fast food-et pranë shkollave, kontrolli i ushqimeve që kanë kaluar në një proces industrial të konsideruar të rrezikshëm për shëndetin, etj. Nuk kemi parashikuar taksa për shqimet me kalori më të larta, në një fazë tjetër ndoshta. Informacion e punë në shkolla, të besohet se nëse shkollat fokusohen te kjo, e ardhmja do të jetë më e mirë në lidhje edhe me obezitetin”, u shpreh Ylli.
Nëse deri më sot, arsyet e obezitetit janë konsideruar si individuale, Alban Ylli e hedh poshtë këtë tezë.
“Lidhet me mjedisin rreth personit, me njohuritë që merren në shkollë dhe më qëndrimin që mbajmë ndaj njohurive që marrim në shkollë dhe me aktivitetin fizik”, tha Ylli.
Ndërkohë që edhe mënyra e testimit për të parë sasinë e dhjamit në trup ka ndryshuar. Tashmë ISHP do të përdorë një teknikë të re.
Redaksia Online
Al.N/Shqiptarja.com
![](https://www.shqiptarja.com/template/img/sh_logo1.png)