Policia greke ka finalizuar një super operacion duke vendosur në pranga 18 trafikantë, 16 grekë dhe 2 shqiptarë
 
Mes të arrestuarve janë edhe pesë drejtuesit e rrjetit, dy prej të cilëve shqiptarë dhe tre grekë, të cilët ishin me precedent të mëparshëm penal.
 
Banda e trafikut vepronte në zonat e Prevezës dhe Artës në veri të Greqisë. Gjatë operacionit janë kontrolluar një numër i madh banesash duke sjellë sekuestrimin e një sasie të konsiderueshme lëndësh narkotike.
 
Policia sekuestroi heroinë, kokainë, kanabis, 7 makina, 7 peshore, 10.955 euro, 38 telefona, një armë dhe 70 fishekë.
 
Banda vepronte prej disa vitesh, ndërsa u zbuluan pas përgjimeve ku komunikonin përmes kodeve të ndryshme.
 
Sipas policisë greke kanabisi vinte nga Shqipërisë, ndërsa vazhdon operacioni për pjesëtarë të tjerë të grupit.

[gallery]21152[/gallery]


dy.b/shqiptarja.com