POP 5

Lajmet më të lexuara të 5 minutave të fundit

Bota

Goditje e madhe e rrjetit ‘Facebook’, kompania e miliarderit Zuckerberg do të pushojë nga puna 10 mijë punëtorë: Dua staf më teknik

Gjiganti i rrjeteve sociale ‘Meta’, që ka në pronësi “Facebook”, ‘Instagram’ dhe ‘Whats’app’ njoftoi të martën se do të mbyllë 10 mijë vende pune si dhe do t’i anulojë konkurset për pesë mijë vende të tjera pune

Goditje e madhe e rrjetit ‘Facebook’, kompania e miliarderit Zuckerberg do të pushojë nga puna 10 mijë punëtorë: Dua staf më teknik

Foto ilustruese

Gjiganti i rrjeteve sociale ‘Meta’, që ka në pronësi “Facebook”, ‘Instagram’ dhe ‘Whats’app’ njoftoi të martën se do të mbyllë 10 mijë vende pune si dhe do t’i anulojë konkurset për pesë mijë vende të tjera pune.

Bashkëthemeluesi dhe shefi ekzekutiv, Mark Zuckerberg, tha se planet e rikonstruktimit janë të përqendruara tek anulimi i projekteve me rëndësi të vogël dhe zvogëlimi i shkallës së punësimit, raporton agjencia “Anadolu”.

“Me më pak punësim, unë e kam marrë vendimin e vështirë për zvogëlimin e mëtejmë të ekipit tonë rekrutues. Ne presim që të njoftojmë ristrukturime dhe largime në grupet tona të teknologjisë në fundin e prillit, dhe pastaj në grupet tona të biznesit në fundin e majit. Në një numër të vogël të rasteve, mund të nevojitet kohë deri në fundin e vitit për t’i plotësuar këto ndryshime”- tha miliarderi amerikan.

Ai e cilësoi vitin 2023 si vit të efikasitetit, duke thënë se mbyllja e këtyre vendeve të punës do të shërbejë për të ndërtuar “një kompani më të hollë, më teknike” dhe shtoi: “Në Vitin tonë të Efikasitetit, ne do ta bëjmë organizatën tonë më të rrafshët përmes heqjes së shtresave të shumëfishta të menaxhimit.”

Kompania “Meta” largoi nga puna më shumë se 11 mijë punëtorë në nëntor, duke e zvogëluar fuqinë punëtorë për 13 për qind.

Pas njoftimit për mbylljen e re të vendeve të punës, vlera e aksioneve të kompanisë shënoi rritje për 5,6 për qind në bursën “Nasdaq” në orën 9 e 50 minuta sipas zonës kohore të lindjes.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce