Goditje për kuqezinjtë, 18-vjeçari
tradhton Shqipërinë për Greqinë?

Duket se edhe një tjetër lojtar me origjinë shqiptare ka refuzuar për të luajtur me kuqezinjtë për të luajtur me përfaqësuesen greke.
 
Bëhet fjalë për mesfushorin e talentuar Mario Vrusaj 18-vjeç, pjesë e ekipit të Olimpiakosit në Greqi.
 
Lojtari ka firmos një kontratë si profesionist me ekipin e Olimpiakos, ndërsa është në syrin e shumë menaxherëve, pasi konsiderohet si talent.
 
Sipas medieve greke, Vrusaj refuzoi kërkesën e Federatës Shqiptare të Futbollit për të luajtur me ekipin U-21 të drejtuar nga Redi Jupi, ndërsa është ftuar për dy ndeshjet e radhës me helenët.
 
Mario Vrusaj nuk do të ishte shqiptari i vetëm nëse do të vendoste të luante më Greqinë, pasi më parë Sotir Nini, Gjergji Kone dhe të tjerë e kanë refuzuar fanellën kuqezi për helenët.
 
Kështu Shqipëria mund të pësojë një tjetër goditje pas eksodit drejt Kosovës të disa prej lojtarëve kryesorë të  ekipit kombëtar. 



dy.b/shqiptarja.com