Raundi i 20-të i La Ligës spanjolle të futbollit solli humbjen e Barcelonës. Kryesuesit e renditjes bënë "autogol" në 'San Sebastian' duke humbur 2-1 me vendasit e Real Sociedad. Tanimë Real Madridi është vetëm një pikë pas katalanasve, me garën për titullin kampion që është rihapur.

Barça e Hansi Flick e nisi më mirë ndeshjes duke shënuar dy gola me Fermin dhe Lamine Yamal, por pas ndërhyrjes së VAR gjithçka u anulua, pasi në rastin e parë u cilësua faull, ndërsa në golin e dytë pozicion jashtë loje.

Vendasit përfituan dhe në minutën e 32-të kaluan në epërsi. Duhej pasimi final i Guedes që veterani Oyarzabal të kalonte në festë më shumë se 36 mijë tifozët e pranishëm në stadium.

Fraksioni i dytë i lojës solli zgjimin e Barçës, teksa Lamine Yamal asistoi për të sapofuturin në fushë, Marcus Rashford, duke barazuar shifrat për 1-1. Kur u duk se Barcelona do rikthehej në lojë, vetëm disa sekonda më pas Guedes shënoi edhe golin e dytë për Sociedadin, që e mbylli ndeshjen me një lojtar më pas pas daljes me karton të kuq të Soler dy minuta para fundit.

Në finale tri pikët shkuan për Sociedadin që ngjitet në vendin e tetë me 24 pikë, duke parakaluar Athletic Bilbaon. Barça me 49 pikë mbetet në krye të La Ligas.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Shkurt, 23:06

    Kushtetuesja rrëzon Ramën dhe Balluku pezullohet, jeni dakord me vendimin?

Lajme të tjera