SPANJË - Barcelona fitoi 3-0 kundër Getafes për raundin e pestë në La Liga. Në mini-stadiumin 'Johan Cruyff', katalanasit nuk zhgënjyen dhe janë në ndjekje të kryesuesve të Real Madrid. Sfida u zhvillua në kompleksin e klubit, kjo pasi 'Camp Nou' i ri ende nuk është gati për inaugurimin.

Heroi i takimit për katalanasit ishte Ferran Torres. Sulmuesi gjeti rrugën e rrjetës në minutën e 15-të, para se të dyfishonte 11 minuta nga fundi i pjesës së parë. Me avantazhin e dy golave, djemtë e Hansi Flick kontrolluan lojën dhe ia dolën të shënonin edhe golin e tretë me Dani Olmo në minutën e 62-të.

Me 13 pikë pas pesë takimeve, Barça mban vendin e dytë. Prin klasifikimin Real Madridi me 15 pikë të plota. Raundin që vjen Barcelona luan kundër Real Oviedo në udhëtim, ndërsa Real Madrid ndeshet me Levanten po në transfertë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera