POP 5

Lajmet më të lexuara të 5 minutave të fundit

Sport

GOLAT/ Barcelona rikthehet e 2 në La Liga, Liverpool shpërdoron kundër Aston Villa-s! Fitore jetike për Udinesen e Cannavaros

Barcelona është kthyer në vendin e dytë në La Liga falë fitores 2-0 që mori kundër Real Sociedad. Në Premier League Liverpool u ndal 3-3 nga Aston Villa edhe pse në një moment kishte avantazh të dyfishtë.

GOLAT/ Barcelona rikthehet e 2 në La Liga, Liverpool shpërdoron kundër Aston Villa-s! Fitore jetike për Udinesen e Cannavaros

Futbollistët e Barcelonës duke festuar golin

Fitorja 2-0 kundër Real Sociedad riktheu Barcelonën në vendin e dytë në La Liga. Në sfidën e së hënës, te vlefshme për javën e 35 të kampionatit, zhbllokoi fillimisht talenti Yamal. Pas asistit të Gundogan 16-vjeçari ekzekutoi në mënyrë mjeshtërore.

Në pjesën e dytë pati pak raste për t’u evidentuar, ndërsa vetëm një shtesë një penallti e akorduar me VAR u shndërrua në gol nga Rapinha, i cili vulosi shifrat përfundimtare të kësaj sfide. Me këtë sukses Barcelona u ngjit në vendin e dytë në kuotën e 76 pikëve, 1 më shumë se Girona.

Në Premier League përballja mes Aston Villa-s dhe Liverpool prodhoi 6 gola, por jo fitues. Gafa e portierit Martinez kaloi shumë shpejt miqtë në avantazh, por rrjeta e Tielemans riktheu baraspeshën. Gjithsesi një gol i Cody Gapkos dërgoi Liverpoolin në avantazh në dhomat e zhveshjes.

Në pjesën e dytë ishte sërish Liverpool që realizoi me Quansah, duke i dërguar shifrat në 1-3, por edhe pse dukej një sfidë e mbyllur deri në fund Aston Villa arriti të barazonte 3-3. Dy pikë të lëna për Liverpool që gjithsesi ka dalë më herët në garën për kampion, ndërsa për Aston Villan pika e fituar ishte jetike në luftën për një vend në Champions League sezonin e ardhshëm.

Në Seria A Udinese mori një fitore jetet të rëndësishme në transfertën e Lecce-s. Skuadra e drejtuar nga Cannavaro arriti të dilte nga kjo transfertë me shifrat 0-2, falë golave të Luccas dhe Samardzic. Kjo fitore i largoi friulanët nga vendet e fundit, ndërsa i jep një bonus të madh në luftën për mbijetesë. Kjo në një kohë kur Lecce e Ylber Ramadanit një javë më parë siguroi matematikisht mbijetesën.

Në sfidën tjetër Fiorentina ia doli 2-1 me përmbysje kundër Monzas, duke parakaluar Napolin në renditje. Violët u ngjitën në 8 me 53 pikë, 2 më shumë se Napoli, që sezonin e ardhshëm me shumë mundësi nuk do jetë në asnjë kompeticion europian.

 

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55