La Liga e futbollit në Spanjë sheh edhe këtë sezon dominimin e Barcelonës. Katalanasit e Hansi Flick fituan 0-2 në fushën e Villarreal dhe me 46 pikë mbeten në krye të La Ligas, me katër pikë më shumë se Real Madridi.

Në stadiumin 'Ceramica' ndeshja nisi mirë për Barcelonën. Katalanasit kaluan në epërsi pas vetëm 12 minutave lojë me penalltinë e kthyer në gol nga kapiteni Raphinha. Barça mori një asist në minutën e 39-të, kjo pasi Renato Veiga doli me karton të kuq për një ndërhyrje në dëm të Yamal, për të lënë 'Nëndetësen e verdhë' më një lojtar më pak për më shumë se 50 minuta lojë.

Barça sërish ishte më kërkuese dhe Raphinha stampoi sferën në shtyllë. Për të 'vulosur' tri pikët mendoi Lamine Yamal me golin e dytë të miqve në minutën e 63-të.

Kështu, Barça merr fitoren e tetë radhazi në kampionat dhe duket se është në mbrojtje të titullit kampion.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Shkurt, 08:56

    A është vlerësim për Shqipërinë pjesëmarrja në Bordin e Paqes?

Lajme të tjera